کورپاڼه / ننګرهار کې هوټلونه او هټۍ وتړل شوې

ننګرهار کې هوټلونه او هټۍ وتړل شوې

خپلواک وېبپاڼه (٢٥ مارچ ٢٠٢٠): د کورونا ويروس د مخنيوي په خاطر د ننګرهار په يو شمېر ولسواليو کې د ګڼې ګوڼې مخنيوي په موخه هوټلونه او هټۍ تړل شوې دي.

د ننګرهار ولايت مقام رسنيز دفتر په يوه خبرپاڼه کې وايي، چې د ننګرهار والي شاه محمود مياخېل په لارښوونه د کورونا ناروغۍ مخنيوي او وقايې په موخه د يو شمېر ولسواليو کې ګڼې ګوڼې مخنيوي په موخه هوټلونه او هټۍ وتړل شوې.

په دغه خبرپاڼه کې زياته شوې ده، چې د دغه ولايت په ګڼ نفوسه ولسوالۍ شينوارو او لعلپورې کې ګڼ شمېر هوټلونه او هټۍ د امر ثاني پورې وتړل شوې، تر څو د ګڼې ګوڼې مخنيوى ترسره او په دې سره د کورونا ويروس د ليږد مخنيوى وشي.

همدا راز په چپرهار ولسوالۍ کې مسوولينو د خوراکي توکو کنټرول او کورونا ناروغۍ مخنيوي په موخه عامه پوهاوى هم ترسره کړى دى او په دغه ولسوالۍ کې د مال منډوي هم تر نامعلوم وخت پورې تړل شوې ده.

که څه هم په ننګرهار ولايت کې تر دې دمه پورې د کورونا ويروس کومه مثبته پېښه نه ده ثبت شوې، خو په هېواد کې ٧٤ مثبتې پېښې ثبت شوې دي، چې دوه کسان يې وژلي هم دي.

Loading...

دا هم ولولئ

سکاټلینډ لومړنی هیواد شو چې ښځو ته د حیض پر مهال د اړتیا وړ توکي وړیا ورکوي

د سکاټلیند پارلمان ویلي چې د ټول هیواد ښځو ته دې د حیض پر مهال …