کورپاڼه / خپلواک / افغانستان کرکټ بورډ له زمبابوې لوبډلې سره د سیریز په برابرولو کې بریالی شوی
افغانستان او زمبابوې

افغانستان کرکټ بورډ له زمبابوې لوبډلې سره د سیریز په برابرولو کې بریالی شوی

خپلواک وېبپاڼه (۱۲ اپریل ۲۰۲۰): د افغانستان کرکټ بورډ مشرتابه په دې توانېدلي دي چې یو ځل بیا د زمبابوې لوبډلې سره لوبې برابرې کړي.

خو دوی تر دې مهاله پورې د یادو سیالیو په اړه څه نه و ويلي‍ د کرکټ بورډ ویاند فريد هوتک يې لامل کورونا ویروس ښايي.

د فرید هوتک په وېنا، افغانستان کرکټ بورډ د زمبابوې او افغان لوبډلې ترمنځ د پنځه شل اوریزو لوبو لړۍ برابره کړې ده، خو نېټه او رسمي اعلان يې ځکه نه و شوی چې کورونا ویروس هر څه په ټپه درولي.

نوموړی زیاتوي، چې کورونا ویروس له ختمېدو سره سم به د افغانستان او زمبابوې لوبډلو ترمنځ د لوبلړۍ نېټه اعلان شي.

فرید هوتک وايي، چې دا لوبې د افغانستان لپاره ګټورې دي، ځکه چې د اسیا جام او نړیوال شل اوریز جام ته به ترې ډېر څه زده کړي.

د دې لوبو په اړه کرکټ بورډ څه نه و ويلي، خو د زمبابوې لوبډلې روزونکي يې په یوه مرکه کې یادونه کړې وه، جې وروسته کرکټ بورډ هم ومنله.

دا په داسې حال کې ده چې سږ کال د افغانستان، چې بشپړ غړیتوب لرونکې لوبډله ده، له ایرلېنډ پرته يې چاسره لوبې نشته.

په کرکټ بورډ خلک له همدې امله نیوکې کوي، چې ولې د افغانستان نورو سترو لوبډلو سره لوبې نشته.

که څه هم د کرکټ بورډ مشرتابه ويلي و، چې د څو هېوادونو سره یې د سیالیو ترسره کولو په اړه خبرې روانې دي، خو اخر يې هم زمبابوې لوبډله لوبو ته راضي کړې ده.

د افغان لوبډلې مینه وال نیوکې کوي، چې کرکټ بورډ له همدې کمزورو لوبډلو سره لوبې جوړوي او دا توان نه لري چې له نورو سترو لوبډلو سره لوبې برابرې کړي.

Loading...

دا هم ولولئ

عامر، شکېب، شفق او اظهر الدين

د کرکټ هغه لوبغاړي چې د فساد له امله له بندېز سره مخ شوي

د کرکټ سيالۍ چې نه يوازې ډېر مينه وال لري، بلکې شهرت او پېسې هم …