کورپاڼه / خبرونه / شفق د کرکټ بورډ وروستۍ پرېکړې په اړه لايف راځي
شفيق الله شفق

شفق د کرکټ بورډ وروستۍ پرېکړې په اړه لايف راځي

د افغانستان کرکټ ملي لوبډلې نامتو چټک توپوهونکى او ويکټ ساتونکى شفيق الله شفق وايي، چې د افغانستان کرکټ بورډ د وروستۍ پرېکړې په اړه به په خپله فېسبوکپاڼه لايف راشي.

هغه په خپل يو پوسټ کې ليکلي دي، چې ٢٠ دقيقې وروسته لايف راځي، يعنې ١٠:٣٠ بجې هغه په خپله فېسبوکپاڼه په ژوندۍ بڼه راځي او وايي چې له ډېرو ناويلو څخه به پرده پورته کړي.

شفيق الله شفق ليکلي دي، چې زما په اړه د کرکټ بورډ د وروستۍ پرېکړې او ډېرو ناويلو باره کې په ژوندۍ بڼه راځم، زما سره ملګرتيا وکړئ.

شفيق الله شفق پوسټ

شفيق الله شفق باندې د افغانستان کرکټ بورډ څو ورځې مخکې د هر ډول کرکټ ٦ کاله بندېز ولګاوه او وې ويل چې نوموړي د ٢٠١٨ کال افغانستان غوره ليګ او د ٢٠١٩ کال د بنګله دېش غوره ليګ کې فساد کړى دى.

کرکټ بورډ په خپل راپور کې دا هم ليکلي و، چې شفيق الله شفق د ډسپلين کمېټې سره په ناسته کې دا هر څه منلي دي او ٦ کلن بندېز يې هم منلى دى.

که څه هم په ټولنيزو رسنيو کې د کرکټ بورډ په دې پرېکړې له دې امله نيوکې وشوې، چې ولې له ځينو لوبغاړو سره د مور او مېرې چلند کېږي، خو شفيق الله شفق به په خپلو خبرو کې څه وايي، لږ ساعت کې به يې معلومات وشي.

Loading...

دا هم ولولئ

دولت ځدراڼ، راشد خان او محمد نبي

د اى سي سي د لسيزې غوره لوبډلې ته ٣ افغان لوبغاړي هم نوماندان دي

د کرکټ نړيوالې شورا (اى سي سي) د لسيزې د غوره لوبغاړو تر اعلان وروسته …