کورپاڼه / خپلواک / کرکټ بورډ بند امير زون ته نوی سرپرست مسوول معرفي کړ
د بند امير زون نوی مسوول

کرکټ بورډ بند امير زون ته نوی سرپرست مسوول معرفي کړ

خپلواک وېبپاڼه (۲۴ سپتمبر ۲۰۱۹): د افغانستان کرکټ بورډ د بند امير زون ته نوی سرپرست مسوول معرفي کړ، پخوانی مسوول څو ورځې مخکې له دندې ګوښه شوی و.

د افغانستان کرکټ بورډ په خپور کړي خبر کې ويلي دي، سيد مرتضی هاشمي د بند امير زون د سرپرست مسوول په توګه وټاکل شو. نوموړی چې د ماسټرۍ تر کچې يې لوړې زده کړې ترلاسه کړي، له تېرو ۶ مياشتو راهيسې يې په افغانستان کرکټ بورډ کې د کورني کرکټ د ارشد مدير په توګه هم دنده ترسره کوله.

دوی همدا راز زياته کړې ده، چې سيد مرتضی هاشمي له کرکټ سره اوږده مخينه لري، چې د ورزشي ټولنې د مشر په توګه هم پاتې شوی دی او همدا راز په افغانستان کرکټ بورډ کې يې هم دنده ترسره کړې ده، نو د بند امير زون لپاره د سرپرست مسوول په توګه معرفي شو.

د يادولو ده چې د افغانستان کرکټ بورډ د سپتمبر په ۲۱مه نېټه، د بند امیر، بوست او امو زونونو مسوولین له دندو ګوښه کړي و، د دوی په وينا چې هر يو تر پنځه او لس کلونو پورې دندې ترسره کړې وې، خو هېڅ لاسته راوړنه يې نه درلودې.

کرکټ بورډ د درې واړه زونونو مسوولين له خپلو دندو د ناوړه ګټې اخيستو، اداري اصولو نه مراعت او په چارو کې د روڼتيا نه درلودو له امله ګوښ کړي و.

افغانستان کرکټ بورډ په خپور کړي خبر کې ويلي و: ((په ټوله کې د یادو شوو زونونو مسؤلینو هر یوه میر عظیم الله مبارز، مسعود رحماني او نور عالم فرید په خپلو دندو کې د کلونو په تېریدو موثریت نه دی څرګند کړی او د دوی په شتون کې یی د زونونو پورې اړوندو ولایتونو ته کړنې په هیڅ حسابیږي.))

د بند امير زون د مسوول مير عظيم الله مبارز په تړاو په دغه خبر کې ويل شوي و: ((د بند امیر زون مسؤل میر عظیم الله مبارز تر ډېره په زون او د زون پورې اړوندو ولایتونو لوبډلو کې خپلوي پاللې او حق یې حق دار ته ندی سپارلی چی یوه ښه بېلګه يې په روانو لېسټ اې سیالیو کې د اړوند لوبډلې نه ځلېدا ده چې په دې برخه کې ځینو رسنیو هم په دې وروستیو کې راپورونه خپاره کړل.))

Loading...

دا هم ولولئ

اصغر افغان، فرهان يوسفزى او ګلبدين نايب

افغانستان کرکټ کې بې حسابه پېسې، شهرت او سفرونه دي چې هر څوک يې غواړي

په کرکټ کې او په خاص ډول د افغانستان کرکټ کې درې شيان زيات دي، …