کورپاڼه / خبرونه / فريد هوتک: لوبغاړي به ژر د روغتيا وزارت سره په همغږۍ تمرينات پيل کړي
افغانستان بريا خپله کړه

فريد هوتک: لوبغاړي به ژر د روغتيا وزارت سره په همغږۍ تمرينات پيل کړي

د افغانستان کرکټ بورډ وياند فريد هوتک وايي، چې د کرکټ بورډ ټولې چارې په منظم شکل په انلاين بڼه مخې ته وړل کېږي.

نوموړى همدا راز ليکي، چې لوبغاړي به هم ډېر ژر د عامې روغتيا وزارت سره په همغږۍ خپل تمرينات پيل کړي.

وروسته له هغه چې په کرکټ بورډ نيوکې وشوې او وويل شول چې د کرکټ بورډ عمومي مشر له څو مياشتو راهيسې کرکټ بورډ ته نه دى تللى، نو د کرکټ بورډ وياند په فېسبوک وليکل، چې د کرنټين په دې شپو ورځو کې د کرکټ بورډ ټولې چارې په منظم شکل انلاين مخې ته وړل کېږي.

نوموړي همدا راز زياته کړه، چې لوبغاړي به هم ډېر ژر د عامې روغتيا وزارت سره په همغږۍ خپل تمرينات پيل کړي.

فريد هوتک پوسټ

د يادولو ده چې د کورونا ويروس له امله په هېواد کې ګرځبندېز له اعلان سره سم د افغانستان کرکټ ملي لوبډلې ټول لوبغاړي په کورونو کې ناست دي او ويل کېږي چې د تمريناتو هېڅ لارښوونه او يا هم امکانات ورته نه دي برابر شوي.

د نورو هېوادونو کرکټ بورډونو بيا په منظم ډول د ګرځبندېز پر مهال هم خپلو لوبغاړو سره په اړيکه کې دي، لارښوونې ورته کېږي او همدا راز په انلاين بڼه ترې ټېسټونه هم اخيستل کېږي.

Loading...

دا هم ولولئ

رحمان الله ګربز (3)

پرونۍ لوبه کې د تاريخ جوړولو وروسته رحمان الله ګربز څه وايي؟

د افغانستان کرکټ ملي لوبډلې چټک پيليز توپوهونکي او ويکټ ساتونکي رحمان الله ګربز پرون …