کورپاڼه / خبرونه / ډيويډ وارنر په کرنټين کې ټيک ټاک ويډيوګانو ته کش ورکړى
ډيويډ وارنر

ډيويډ وارنر په کرنټين کې ټيک ټاک ويډيوګانو ته کش ورکړى

د اسټراليا کرکټ ملي لوبډلې نامتو توپوهونکي ډيويډ وارنر د کورونا او کرنټين په دې وخت کې ټيک ټاک ويډيوګانو ته ډېر کش ورکړى دى.


ډيويډ وارنر چې د اسټراليا پيليز توپوهونکى دى، د هغې تر څنګ په هند تجارتي ليګ کې د سنرايزرز حېدراباد لوبډلې لوبډلمشر او پيليز توپوهونکى هم دى.


نوموړى له هغه وروسته چې کورونا ويروس نړيواله وبا اعلان شوه او په اسټراليا کې هم ګرځبندېز اعلان شو، د ټيک ټاک ويډيوګانو په جوړولو پيل کړى دى.


د کورونا ويروس د نړيوالې وبا اعلان سره سم د کرکټ هر ډول سيالۍ هم وځنډېدلې، چې د کرکټ ټول لوبغاړي هم په کورونو کې کېناستل.


ډيويډ وارنر نه يوازې دا چې له خپلې مېرمنې سره، بلکې له بچو سره هم بې شمېره ويډيوګانې جوړې کړې دي او په ټيک ټاک يې خپرې کړې دي، چې خلکو ډېرې خوښې کړې دي.


نوموړي په يو شمېر هندي سندرو باندې هم له خپلې مېرمنې سره ګډې ويډيوګانې جوړې کړي دي چې دواړه پکې ناڅي، همدا راز نورې بېلا بېلې ويډيوګانې يې هم جوړې کړې دي.

دا هم ولولئ

ویراټ کوهلي او انوشکا شرما

کورونا ویروس: ویراټ کوهلي او انوشکا ۲ کروړه روپۍ مرسته کړې او ۷ کروړه نوره راټولوي

د هند کرکټ ملي لوبډلې لوبډلمشر ویراټ کوهلي او د هغه مېرمن او مشهورې اداکارې …