کورپاڼه / خبرونه / د ويسټ انډيز لوبډله انګلستان ته ورسېده
ويسټ انډيز لوبډله

د ويسټ انډيز لوبډله انګلستان ته ورسېده

د ويسټ انډيز کرکټ ملي لوبډله انګلستان ته ورسېده، چې د انګلستان کرکټ بورډ يې هم هرکلى کړى دى او ويلي يې دي چې لوبو ته ډېر لېواله دي.

د ويسټ انډيز کرکټ ملي لوبډله نن د انګلستان مانچسټر ته ورسېده، د انګلستان کرکټ بورډ په يو ټويټ کې د ويسټ انډيز لوبډلې ته هرکلى ويلى دى او ويلي يې دي چې د ټېسټ سياليو ترسره کولو لپاره ډېر لېواله دي.


د ويسټ انډيز لوبډله به په اولډ ټريفورډ کې درې اونۍ پاتې شي، هلته به د احتياطي لارښوونو سره سم تمرينات هم ترسره کړي او له هغه وروسته به د دواړو لوبډلو ترمنځ له تماشچيانو پرته درې ټېسټ لوبې وشي.

د کورونا ويروس له راتګ وروسته دا لومړى ځل دى چې يوه لوبډله د سياليو لپاره بل هېواد ته ځي، انګلستان ته له روانېدو مخکې د ټولو ويسټ انډيزي لوبغاړو د کورونا ټېسټونه هم شوي و، چې منفي راغلي و.

ويسټ انډيز او انګلستان به دوه ټېسټ سيالۍ په اولډ ټريفورډ او يوه په همپشاير کې ترسره کړي.

Loading...

ليکوال\خبريال: خپلواک

Avatar

دا هم ولولئ

د افغانستان ایمرجېنګ لوبډله جوړیږي

د افغانستان کرکټ بورډ په یوې اعلامیه کې ویلی دي د دوی د تازه پرېکړې …