کورپاڼه / خبرونه / هېواد کې د کرکټ بېټونو توليد د پاکستاني بېټونو بازار خراب کړى
بېټونه

هېواد کې د کرکټ بېټونو توليد د پاکستاني بېټونو بازار خراب کړى

په ننګرهار کې د کرکټ بېټونو د توليد فابريکه ښه او معياري بېټونه ولس ته وړاندې کوي، چې د پاکستاني بېټونو بازار يې خراب کړى دى.

د امريکا غږ د يوه راپور په وېنا، د ننګرهار ولايت په مرکز جلال اباد ښار کې د کرکټ بېټونو د توليد فابريکې مسوولين وايي، چې دوى د ورځې تر ١٠٠ پورې بېټونو پورې جوړوي، چې د ننګرهار پر ځاى يې لغمان، کونړ او کابل ته هم لېږي، چې د پاکستاني بېټونو بازار يې خراب کړى دى.

د دغه فابريکې مسوول محسن په خپلو خبرو کې وايي، چې د بېټونو د جوړولو په موخه لرګي له غزني ولايت څخه راوړي او ټول کال يې فابريکه فعاله وي، چې د ښو بېټونو جوړولو له امله يې د پاکستاني بېټونو بازار خراب کړى دى.

افغانستان يو له هغه هېوادونو څخه دى چې په ډېر لږ وخت کې په کې د کرکټ سياليو ډېر پرمختګ وکړ او ډېر زيات مينه وال يې پېدا کړل.

د افغانستان کرکټ ملي لوبډله، چې په نړيواله کچه په ډېره لږه موده کې وځلېده او د کرکټ نړيوالې شورا له لوري يې بشپړ غړيتوب هم ترلاسه کړ.

اوس نه يوازې دا چې په افغانستان کې د کرکټ مينه وال بې کچه زيات شوي دي، بلکې هغه خلک چې له دې لوبې سره مينه لري او دا لوبه هره ورځ کوي، هم بې شمېره دي.

Loading...

ليکوال\خبريال: خپلواک

Avatar

دا هم ولولئ

شاهد اپريدى

د شاهد اپريدي د واده ٢٠مه کليزه، له ښځې سره يې ګډ عکسونه خپاره کړل

د پاکستان کرکټ ملي لوبډلې پخوانى لوبډلمشر او تکړه الراونډر شاهد اپريدي له نن څخه …