کورپاڼه / ريکارډونه / د نړيوالو شل اوريزو لوبو هغه توپوهونکي چې يو کال کې يې ډېرې منډې ترلاسه کړي
بابر اعظم، محمد شهزاد او پال سټرلينګ

د نړيوالو شل اوريزو لوبو هغه توپوهونکي چې يو کال کې يې ډېرې منډې ترلاسه کړي

په کرکټ کې د نړيوالو شل اوريزو سياليو له پيلېدو سره سم چټکې توپوهنې ته هم ځانګړې پاملرنه وشوه او توپوهونکي هڅه کوي چې په شل اوريزو سياليو کې تر نورو ډېره چټکه توپوهنه ترسره کړي.

دلته د هغه لوبغاړو يادونه کوو، چې په نړيوالو شل اوريزو سياليو په يو کال کې يې ډېرې منډې ترلاسه کړې وي.

د ايرلېنډ لوبغاړي په دې برخه کې تر نورو مخکې دى او پال سټرلينګ بيا په نړيوال شل اوريزو لوبو کې تر نورو لوبغاړو په يو کال کې ډېرې منډې ترلاسه کړې دي.

پال سټرلينګ په ٢٠١٩ کال کې د ٤١.٥٥ په اوسط په ٢٠ لوبو کې ٧٤٨ منډې ترلاسه کړې دي، چې په ١٤٠.٦٠ سټرايک رېټ يې توپوهنه ترسره کړې ده.

دا په يو کال کې د يوه توپوهونکي له لوري تر ټولو زياتې منډې دي.

همدا راز ورپسې هم د ايرلېنډ کيوين اوبراين راځي، چې هغه هم په ٢٠١٩ کال کې په ٢٣ لوبو کې ٧٢٩ منډې ترلاسه کړې دي، د نوموړي اوسط ٣١.٦٩ دى او سټرايک رېټ يې ١٥٥.٤٣ دى.

د نيدرلېنډز مېکس اودود بيا دريم هغه توپوهونکى دى چې په يو کال کې يې ډېرې منډې ترلاسه کړې دي. نوموړي په ٢٠١٩ کال کې په ٢٤ لوبو کې ٧٠٢ منډې ترلاسه کړې دي، چې ٢٩.٢٥ يې اوسط او ١٢٠.٨٢ يې سټرايک رېټ دى.

د هند شيکر دهون بيا په ٢٠١٨ کال کې په ١٨ لوبو کې ٦٨٩ منډې ترلاسه کړې دي او د هند لوبډلمشر ويراټ کوهلي بيا په ٢٠١٦ کال کې په ١٥ لوبو کې ٦٤١ منډې کړې دي.

همدا راز د نيدرلېنډز بين کوپير په ٢٠١٩ کال کې په ٢١ لوبو کې ٦٣٧، د ايرلېنډ انډي بالبيرني په ٢٠١٩ کال کې په ٢١ لوبو کې ٦٠١، د هند روهيت شرما په ٢٠١٨ کال کې په ١٩ لوبو کې ٥٩٠، د پاکستان فخر زمان په ٢٠١٨ کال کې په ١٧ لوبو کې ٥٧٦، د پي اېن جي ټي پي اورا په ٢٠١٩ کال کې په ١٧ لوبو کې ٥٧٢ منډې ترلاسه کړې دي.

د پاکستان بابر اعظم بيا په ٢٠١٨ کال کې په ١٢ لوبو کې ٥٦٣، د نېپال پي کړکا په ٢٠١٩ کال کې په ١٨ لوبو کې ٥٤١، د اسټراليا ارون فينچ په ٢٠١٨ کال کې په ١٧ لوبو کې ٥٣١، د سکاټلېنډ مونسي په ٢٠١٩ کال کې په ١٥ لوبو کې ٥٢٦ منډې کړې دي.

همدا راز د افغانستان چټک توپوهونکي او ويکټ ساتونکي محمد شهزاد بيا په ٢٠١٦ کال کې په ١٥ لوبو کې ٥٢٠ منډې کړې دي، چې اوسط يې ٣٧.١٤ دى او سټرايک رېټ يې ١٥٢.٩٤ دى.

Loading...

دا هم ولولئ

عمر اکمل او شاهد اپريدي

پاکستاني عمر اکمل د شاهد اپريدي له شرمه ډک ريکارډ مات کړ

خپلواک وېبپاڼه (۶ اکتوبر ۲۰۱۹): د پاکستان ملي کرکټ لوبډلې توپوهونکي عمر اکمل يو نوی …