کورپاڼه / خبرونه / د بنګله دېش مشرفي مرتضى او نفيس اقبال کورونا نيولي
مشرفي مرتضى

د بنګله دېش مشرفي مرتضى او نفيس اقبال کورونا نيولي

د بنګله دېش کرکټ ملي لوبډلې پخوانى لوبډلمشر مشرفي مرتضى او نفيس اقبال هم په کورونا ويروس ناروغۍ ا خته شوي دي.

د مشرفي مرتضى ورور مرسلين مرتضى تېره ورځ دا خبره بنګله دېش رسنيو ته منلې ده او ويلي يې دي چې مشرفي مرتضى له تېرو څو ورځو راهيسې ناروغ و، چې د جمعې په ورځ يې ټېسټ وکړ.

هغه وايي، چې مشرفي مرتضى په کور کې کرنټين شوى دى. ٣٦ کلن لوبغاړي د بنګله دېش لپاره په ٣٦ ټېسټ، ٢٢٠ نړيوالو يو ورځنيو او ٥٤ نړيوالو شل اوريزو لوبو کې ګډون کړى دى، هغه د کورونا ناروغانو د مرستې لپاره هم هلې ځلې کولې.

همدا راز د بنګله دېش کرکټ ملي لوبډلې د يو ورځنيو لوبډلې لوبډلمشر تميم اقبال مشر ورور نفيس اقبال هم په کورونا ويروس ا خته شوى دى. هغه اوس په خپل کور کې کرنټين دي. نوموړى چې ٣٤ کاله عمر لري او د بنګله دېش لپاره يې ١١ ټېسټ او ١٦ يو ورځنۍ لوبې ترسره کړې دي.

د يادولو ده چې په بنګله دېش کې د مارچ په مياشت کې د کورونا ويروس مثبتې پېښې ثبت شوې دي، له ٨٨ زرو څخه زيات کسان له دې ناروغۍ څخه اغېزمن شوي دي.

Loading...

ليکوال\خبريال: خپلواک

Avatar

دا هم ولولئ

کپيل ديو

د هند پخواني کرکټر کپيل ديو باندې د زړه حمله راغلې

د هند کرکټ ملي لوبډلې د نړيوال جام ګټونکى پخوانى لوبډلمشر کپيل ديو باندې د …