کورپاڼه / خبرونه / بنګله دېش هم له سريلانکا سره خپلې سيالۍ لغوه کړې
بنګله دېش او سريلانکا

بنګله دېش هم له سريلانکا سره خپلې سيالۍ لغوه کړې

د نيوزيلېنډ له لوري د بنګله دېش سره د سياليو لغوه کولو يوه ورځ وروسته بنګله دېش هم د سريلانکا سره راتلونکې سيالۍ د کورونا ويروس له امله لغوه اعلان کړې.

د بنګله دېش او سريلانکا لوبډلو ترمنځ په جولاى او اګست مياشتو کې پلان شوى و چې درې ټېسټ سيالۍ به ترسره کړي، خو د بنګله دېش کرکټ بورډ تازه دغه سيالۍ لغوه کړې.

د بنګله دېش کرکټ په دې اړه د سريلانکا کرکټ بورډ ته پېغام استولى دى او ورته يې ويلي دي، چې د کورونا ويروس له امله اوسمهال دوى دغه سياليو ته چمتووالى نه لري.

بنګله دېش کې د کورونا ويروس مثبتې پېښې له ١٠٠ زرو څخه پورته شوې دي او همدا راز درې لوبغاړي مشرفي مرتضى، نظم الاسلام او پخوانى لوبغاړى نفيس اقبال هم په کورونا ويروس ناروغۍ ا خته شوي دي.

دا د بنګله دېش پنځمه لوبلړۍ ده چې د کورونا له امله لغوه کېږي، په اپريل مياشت کې له پاکستان سره ټېسټ لوبه چې په کراچۍ کې ترسره کېده لغوه شوه، د برېتانيې او ايرلېنډ سفر چې په مۍ کې کېدونکى و لغوه شو، همدا راز د اسټراليا لوبډله په جون او د نيوزيلېنډ لوبډله په اګست او سپتمبر کې بنګله دېش ته ورتلونکې وه، خو د کورونا له امله يې خپل سفرونه لغوه کړل.

د يادولو وړ ده چې تر دې مخکې د هند کرکټ بورډ هم له سريلانکا سره خپلې سيالۍ د کورونا له امله لغوه کړې، همدا راز د کورونا ويروس د نړيوالې وبا د اعلان پر مهال د انګلستان لوبډله سريلانکا ته په سفر تللې وه، خو تمريناتي لوبه يې په نيمايي کې پرېښوده او بېرته خپل هېواد ته ستانه شو.

Loading...

دا هم ولولئ

پاکستانی کرکټر حسن علي وايي، مېرمن يې حامله ده او ژر به ۳ شي

د پاکستان کرکټ ملي لوبډلې چټک توپ اچونکی حسن علي وايي چې مېرمن يې حامله …