کورپاڼه / ساينس او ټېکنالوژي / هند د ټک ټاک په ګډون د چين ٥٩ اپليکېشنونه بند کړل
ټک ټاک

هند د ټک ټاک په ګډون د چين ٥٩ اپليکېشنونه بند کړل

د هند د ټېکنالوژۍ وزارت د ټک ټاک، يوسي براوزر، وي چېټ او بيګو لايو په ګډون د چين ٥٩ اپليکېشنونه په خپل هېواد کې بند کړل.

هند وايي، چې دا اپليکېشنونه يې د خپل هېواد د خپلواکۍ، دفاع، امنيت او د خلکو د شخصي معلوماتو په خاطر بند کړي دي، تر څو چاته زيان ونه رسوي.

د انډين ايکسپرېس د راپور په وېنا، دا پرېکړه وروسته له هغه کېږي چې د چين او هند ترمنځ په لداخ سيمه کې حالت ترينګلى شوى دى، دوى وايي چې د هند له لوري د چين پر وړاندې پورته شوى دا يو تر ټولو ستر ګام دى.

د هند د ټېکنالوژۍ وزارت له لوري په يوه خبرپاڼه کې ويل شوي دي، چې د خلکو د امنيت او شخصي ډاټا په تړاو اندېښنې موجودې وې، همدا راز د هېواد امنيت په تړاو هم اندېښنې وې، نو له دې امله د خلکو د شکايتونو له بررسي کولو وروسته دوى دا ګام پورته کړ.

دوى وايي چې د چين له لوري جوړ شوي دغه اپليکېشنونه چې د ګوګل په پلى سټور او ايفون په پلى سټور کې پراته و، د خلکو شخصي ډاټا يې خپلو سرورونو ته انتقالوله.

له ٢٠١٥ راهيسې تر ٢٠١٩ کال پورې د علي بابا په ګډون د چين يو شمېر اى ټي شرکتونو په هند کې د ٥ ميليارده ډالرو څخه زيات پانګونه کړې ده.

د يادولو وړ ده چې د چينايي اپليکېشن ټک ټاک په تړاو ځينو نورو هغه پوهانو، چې د موبايلونو او سايبري امنيت په تړاو نظر ساتي، هم ورته خبره کړې ده او ويلي يې دي، چې دا اپليکېشن د خلکو شخصي ډاټا ګوري. دوى همدا راز د پبجي او لسګونو نورو اپليکېشنونو په اړه هم دا خبره کړې ده او خلکو ته يې ويلي دي، چې له دې اپليکېشنونو څخه دې ځان وساتي.

Loading...

دا هم ولولئ

Realme C11

د Realme نوى او ارزانه ځيرک موبايل

Realme يو نوى او ځيرک داسې موبايل وړاندې کړى دى، چې ارزانه او په زړه …