کورپاڼه / جالب / د کرکټ جالبه پېښه، خاوند او ښځه د يوې لوبډلې لپاره ولوبېدل
شرانيا سدارنګاني او فن

د کرکټ جالبه پېښه، خاوند او ښځه د يوې لوبډلې لپاره ولوبېدل

د اروپايي لس اوريزه کرکټ ليګ European Cricket Series T10 League کې داسې کار وشو، چې د کرکټ په تاريخ کې له دې مخکې داسې کار نه دى شوى.

زياتره وخت خو موږ ويني چې د کرکټ په مېدانونو کې تاريخونه جوړېږي، خو اروپايي لس اوريزه کرکټ ليګ کې بيا د خاوند پر ځاى يې ښځه ويکټ ساتنې ته راغله او دا لومړى ځل دى چې په کرکټ کې داسې کار کېږي.

شرانيا سدارنګاني ١

د اروپايي لس اوريزه کرکټ ليګ په نيمه پايلوبه کې د کى ايس وي کرکټ کلب لپاره فن سدارنګاني لوبه کوي، هغه ويکټ ساتونکى دى او په دغه لوبه کې يې پرېکړه وکړه چې هغه توپ اچونه ترسره کړي، نو د هغه پر ځاى ويکټ ساتنې ته د هغه مېرمن شرانيا سدارنګاني راغله.

شرانيا سدارنګاني په وروستيو کې هغه مهال د رسنيو سرټکې وګرځېده، کله چې هغې په اروپايي ١٠ اوريزه کرکټ ليګ کې لوبې پيل کړې، هغه لومړنۍ ښځينه لوبغاړې ده چې د نارينه و په دې ليګ کې لوبېږي او هغه په اصل کې د هند ده.

کرکټ لوبه

په نيمه پايلوبه کې چې کله د هغې خاوند توپ اچونه کوله، نو شرانيا سدارنګاني د ويکټو شاته ولاړه وه او ويکټ ساتنه يې کوله.

دا لومړى ځل دى چې په کرکټ کې داسې کار کېږي، تر دې مخکې د کرکټ په تاريخ کې داسې کله نه دي ليدل شوي، چې د خاوند پر ځاى دې ويکټ ساتنې ته د هغه مېرمن راشي او يا دې هم خاوند توپ اچونه کوي او مېرمن دې يې ويکټ ساتنه کوي.

شرانيا سدارنګاني

د يادولو وړ ده چې شرانيا سدارنګاني او فن سدارنګاني په مينه واده کړى دى او جالبه خبره دا هم ده، چې له واده وروسته ښځې د خپل خاوند نوم له خپل نوم سره يو ځاى کوي، خو فن بيا د خپلې ښځې نوم (سدارنګاني) له خپل نوم سره يو ځاى کړى دى.

Loading...

دا هم ولولئ

ويراټ کوهلي او بابر اعظم

ويراټ کوهلي او بابر اعظم په درجه بندۍ کې شاتګ وکړ

د هند کرکټ ملي لوبډلې کپتان او مخکښ توپوهونکي ويراټ کوهلي د ټېسټ توپوهونکو په …