کورپاڼه / کرکټ / لطف الله ستانکزي د ملي لوبډلې پخواني لوبغاړي کريم صادق ته سپکاوى کړى
لطف الله ستانکزى او کريم صادق

لطف الله ستانکزي د ملي لوبډلې پخواني لوبغاړي کريم صادق ته سپکاوى کړى

د افغانستان کرکټ بورډ اجراييوي رييس لطف الله ستانکزي د ملي لوبډلې پخواني پيليز توپوهونکي او لوبډلمشر کريم صادق ته سپکاوى کړى دى. کريم صادق د نوموړي دفتر ته د دې لپاره ورغلى و، چې د خپلې استعفا په اړوند ورسره خبرې وکړي، خو هغه په ګاردانو له خپل دفتره ويستى دى.

دا خبره په فېسبوک کې د ازادي راډيو خبريال فريد سعادت د کرکټ بورډ د پخواني روزونکي هستي ګل عابد له خولې ليکلې ده. هغه په خپله فېسبوکپاڼه کې ليکلي دي:

((دا نو يو اتل لوبغاړي ته سپکاوی دى، هستي ګل عابد وايي، څو ورځې وړاندې کريم صادق د لطف الله ستانکزي دفتر ته ورغلی و او د خپل ريټاير اړوند يې ورسره خبرې کولې خو د خبرو په جريان کې لطف الله ستانکزي خپلو ګاردانو ته غږ وکړ چې کريم صادق له دفتره وباسئ.

دا خبره عابد پرون په فېسبوک لايف کې وکړه.))

په دې اړه د افغانستان کرکټ بورډ د رسنيو څانګې پخواني مدير او ورزشي خبريال ابراهيم مومند هم په خپل ټويټر کې ليکلي دي.

ابراهيم مومند په يو ټويټ کې ليکلي دي، چې د افغانستان کرکټ بورډ اجراييوي رييس لطف الله ستانکزي له لوري په ښکاره لنډغريزم روان شوى دى، چې هغه په خپل دفتر کې د ملي لوبډلې پخوانى لوبډلمشر په خپلو ګاردانو له دفتره ويستى دى. هغه وايي چې کريم صادق د خپلې رسمي استعفا په تړاو له لطف الله ستانکزي سره خبرو ته ورغلى و.


د يادولو وړ ده چې په دې وروستيو کې د کرکټ بورډ د مشرتابه پر وړاندې د خلکو نيوکې زياتې شوې دي. يو شمېر ډله ځوانان بيا په دې هڅه کې دي چې چارواکو ته خپل غږ ورسوي او همدا راز دوى وايي چې ډېر ژر به د کرکټ بورډ مخې ته لاريون هم وکړي.

دا هم ولولئ

ای پي ایل او هند کرکټ بورډ

که ای پي ایل لغوه شي، هند به دوه نیم زره کروړه روپۍ تاواني شي

د هند کرکټ بورډ (بي سي سي ای) یو غړي ويلي دي، که چېرته هند …