کورپاڼه / کرکټ / د هند کرکټ بورډ له لوى تاوان سره مخ شو، دې ټيم ته به ٤٨ ميليارده روپۍ ورکوي
دکن چارجرز او بي سي سي اى

د هند کرکټ بورډ له لوى تاوان سره مخ شو، دې ټيم ته به ٤٨ ميليارده روپۍ ورکوي

د هند کرکټ بورډ له لوى تاوان سره مخ شو، د اى پي ايل هغه لوبډله چې له اى پي ايل څخه يې ويستې وه، محکمې يې په حق کې پرېکړه وکړه او د هند کرکټ بورډ ته يې وويل، چې د جريمې په توګه بايد دغه لوبډلې ته ٤٨٠٠ کروړه يا ٤٨ ميليارده هندي کلدارې ورکړي.

د حېدر اباد دکن چارجرز لوبډله چې د اى پي ايل په لومړنيو څو پړاوونو کې يې برخه درلوده او په ٢٠٠٩ کال کې يې د اى پي ايل اتلولي هم په خپل نوم کړه، د هند کرکټ بورډ له اى پي ايل څخه وويسته او د دغه لوبډلې پر ځاى يې حېدراباد سنرايزرز لوبډله واخيسته.

د هند کرکټ بورډ له دې پرېکړې وروسته د حېدراباد دکن چارجرز لوبډلې مسوولين محکمې ته لاړل، د هند کرکټ بورډ او يادې لوبډلې ترمنځ له ٢٠١٢ کال راهيسې په محکمه کې دا دوسيه روانه وه.

تازه د هند محکمې د حېدر اباد دکن چارجرز لوبډلې په ګټه پرېکړه وکړه او د هند کرکټ بورډ ته يې وويل، چې د جريمې په توګه بايد يادې لوبډلې ته ٤٨٠٠ کروړه يا ٤٨ ميليارده هندي کلدارې ورکړي.

محکمې د هند کرکټ بورډ ته ويلي دي، چې دا پېسې بايد د ٢٠٢٠ کال د سپتمبر تر مياشتې پورې دوى ته حواله کړي.

بل لوري ته د هند کرکټ بورډ ځينو سرچينو ويلي دي، چې دوى د يادې جريمې لپاره محکمې ته د تللو پرېکړه کوي او په دې اړه د بورډ غړو ناسته هم کړې ده او بحث يې پرې ترسره کړى دى.

د يادولو وړ ده چې د حېدر اباد دکن چارجرز د هند تجارتي ليګ يا اى پي ايل په ٨ لوبډلو کې شامله وه، چې د اى پي ايل دويم پړاو اتلولي يې هم په خپل نوم کړې وه.

دا هم ولولئ

میتیو هیډن پر اسټرالیایي لوبغاړو سختې نېوکې کړي دي

میتیو هیډن د پاکستان د سفر پر مهال د اسټرالیا کرکټ لوبډلې د یوه ورځنیو …