کورپاڼه / کرکټ / د ملي لوبډلې لوبغاړى يمين احمدزى ٢٨ کلن شو
يمين احمدزى ١

د ملي لوبډلې لوبغاړى يمين احمدزى ٢٨ کلن شو

د افغانستان کرکټ ملي لوبډلې چټک توپ اچوونکى يمين احمدزى چې د افغانستان لپاره د لومړنۍ ټېسټ ويکټې اخيستو وياړ هم لري، ٢٨ کلن شو.

نوموړى په ١٩٩٢ کال کې د جولاى په ٢٥مه نېټه زېږېدلى دى او پرون ورځ يې کليزه وه، چې د عمر ٢٨ کلونه يې پوره شو.

يمين احمدزى د افغانستان په لومړنۍ ټېسټ لوبه کې شامل و، چې د هند پر وړاندې ترسره شوه. په دغه لوبه کې د افغانستان لپاره د ټېسټ لومړنۍ ويکټ يمين احمدزي واخيسته، هغه په دغه لوبه کې د شيکر دهون ويکټ واخيسته او دا وياړ يې ترلاسه کړ.

يمين احمدزى

همدا راز يمين احمدزى بيا په فرسټ کلاس سياليو کې د افغاستان يوازينى چټک توپ اچونکى دى چې ١٠٠ ويکټې يې پوره کړې دي.

يمين احمدزي لومړۍ ټېسټ لوبه د ٢٠١٨ کال د جون په ١٤-١٥ نېټه ترسره کړه، همدا راز نړيواله يو ورځنۍ لوبه يې بيا د ٢٠١٥ کال د دسمبر په ٢٥مه نېټه لوبولې ده او نړيواله شل اوريزه لوبه يې هم د همدغه کال د نومبر په ٢٩مه نېټه لوبولې ده.

هغه تراوسه پورې د افغانستان لپاره په ٤ ټېسټ لوبو، ٤ يو ورځنيو او ٢ شل اوريزو لوبو کې ګډون کړى دى. نوموړي په ټېسټ لوبو کې ١٠، يو ورځنيو کې ٢ او شل اوريزو کې ٥ ويکټې ترلاسه کړې دي. په ټېسټ لوبو کې هغه په يوه لوبه کې د ٩٣ منډو په بدل کې ٦ ويکټې هم اخيستې دي.

نوموړى که څه هم په ٢٠١٥ کال کې د افغانستان لپاره لوبېدلى و، خو له هغه وروسته بيا په ٢٠١٩ کال کې په يو ورځنيو لوبو کې د لوبېدو چانس ورکړل شوى دى، چې د نومبر په ١١مه نېټه د ويسټ انډيز پر وړاندې ولوبېده، همدا راز وروستۍ نړيواله شل اوريزه لوبه يې بيا په ٢٠١٥ کال کې د نومبر په ٣٠مه نېټه د عمان پر وړاندې ترسره کړې ده.

نوموړي که څه هم په يوه نړيواله شل اوريزه لوبه کې د ٣٤ منډو په بدل کې ٣ ويکټې اخيستې وې، خو هغه ته په هغه ډول د لوبېدو چانس نه دى ورکړل شوى، لکه نورو لوبغاړو چې ترلاسه کړى دى، په داسې حال کې چې افغانستان ملي لوبډله د چټکو توپ اچونکو له کمښت سره مخ ده، بيا هم يمين احمدزى له لوبډلې بهر ساتل شوى دى.

د يادولو وړ ده چې نوموړي په ٣٤ فرسټ کلاس سياليو کې ١٠٧، ٢٢ ليسټ اې سياليو کې ٢٦ او ١٨ شل اوريزو سياليو کې ١٩ ويکټې ترلاسه کړې دي.

Loading...

ليکوال\خبريال: خپلواک

Avatar

دا هم ولولئ

رحمان الله ګربز

رحمان الله ګربز: د روان شپږيزه ليګ اتلولي به په خپل نوم کړو

په شپږيزه کرکټ ليګ کې د کابل بازانو لوبډلې لوبډلمشر، ځوان او چټک توپوهونکى او …