کورپاڼه / کرکټ / رحمان الله ګربز: افغانستان زما زړه دى
رحمان الله ګربز

رحمان الله ګربز: افغانستان زما زړه دى

د افغانستان کرکټ ملي لوبډلې ويکټ ساتونکى او پيليز او چټک ځوان توپوهونکى رحمان الله ګربز وايي چې افغانستان مې زړه دى.

د زمري يا اسد ٧مه نېټه د بېرغ ملي ورځ ده، چې نه يوازې په دولتي کچه د دې ورځې لمانځلى ته تيارى نيول شوى دى، بلکې ولس هم د دې ورځې لمانځنې لپاره چمتووالى نيسي او په ټولنيزو رسنيو کې هم خلک په دې اړه پوسټونه کوي.

په داسې کې د ملي لوبډلې مخکښ لوبغاړي هم تر چا وروسته نه دي او د دې ورځې د لمانځنې په پار د درې رنګه ملي بېرغ سره خپل عکسونه په ټولنيزو رسنيو کې خپروي.

په د لړ کې ځوان او چټک توپوهونکي رحمان الله ګربز هم په خپل فېسبوک کې درې عکسونه خپاره کړي دي، چې له ملي بېرغ سره ولاړ دى او ورته يې ليکلي دي: ((افغانستان زما زړه دى.))

بل خوا د ملي لوبډلې پخواني لوبډلمشر او مخکښ ورو توپ اچونکي راشد خان هم د ملي بېرغ د ورځې په وياړ له ملي بېرغ سره خپل عکس په خپله فېسبوکپاڼه کې خپور کړى دى.

د ملي لوبډلې چټک توپ اچونکى افتاب عالم، چې تازه يې يو کلن بندېز پاى ته رسېدلى دى او د ملي لوبډلې په مياشتيني تمريناتي کمپ کې يې هم ګډون کړى، هغه هم د ملي بېرغ د ورځې په وياړ له ملي بېرغ سره خپل عکس خپور کړى دى او ټولو ته يې د دې ورځې مبارکي ويلې ده.

د يادولو وړ ده چې په هېواد کې د ملي بېرغ ورځ په لويه کچه لمانځل کېږي، چې په ټولنيزو رسنيو کې سر له اوسه خلک د دې ورځې په وياړ له ملي بېرغ سره اخيستل شوي عکسونه خپروي.

د زمري يا اسد ٧مه نېټه او د جولاى ٢٨مه نېټه، يعنې سبا به په ټوله هېواد کې د بېرغ ملي ورځ په دولتي او ولسي کچه ولمانځل شي.

دا هم ولولئ

ای پي ایل او هند کرکټ بورډ

که ای پي ایل لغوه شي، هند به دوه نیم زره کروړه روپۍ تاواني شي

د هند کرکټ بورډ (بي سي سي ای) یو غړي ويلي دي، که چېرته هند …