کورپاڼه / جالب / د طارق جميل نوى خوب؛ قايد اعظم خوله کې ګوتې راکړې، چې راويښ شوم خوله کې مې د شاتو خوند و
طارق جميل او جناح

د طارق جميل نوى خوب؛ قايد اعظم خوله کې ګوتې راکړې، چې راويښ شوم خوله کې مې د شاتو خوند و

د پاکستان د تبليغيانو يو مشر مولانا طارق جميل تازه يو نوى خوب ليدلى دى، چې هغه پکې وايي، چې جناح مې په خوب کې وليده، چې په خوله کې يې دوه ګوتې راکړې او کله چې له خوبه راويښ شوم، نو په خوله کې مې د شاتو خوند و.

په ټولنيزو رسنيو کې د مولانا طارق جميل هغه ويډيو ډېره لاس په لاس کېږي، چې هغه پکې د پاکستانيانو د قايد اعظم (جناح) په اړه د خپل يو خوب کيسه کوي.

هغه وايي په خوب کې يې قايد اعظم وليده او کله چې يې ترې پوښتنه وکړه، چې څنګه يې؟ نو هغه ورته په ځواب کې وويل، چې ډېر په راحت کې دى.


هغه وايي، بيا قايد اعظم دوه ګوتې ماته ونيولې او راته يې وويل چې دا وچوپه، زه لږ وويرېدم، چې دا به څه وي، نو هغه راته وويل چې بچيه يرېږه مه، دا وچوپه نو الله به له تا نه د دين کار واخلي.

طارق جميل وايي، چې ما د هغه دوه ګوتې په خوله کې ونيولې، نو د هغه د خولې نه شات زما خوله ته راروان شو، کله چې له خوبه راويښ شوم نو زما په خوله کې بيا هم د شاتو خوند و.

مولانا طارق جميل دا ويډيو د پاکستان د تش په نوم ازادۍ په ورځ په ټولنيزو رسنيو کې خپره کړې وه، خو د طارق جميل په دې ويډيو نه يوازې دا چې د نورو هېوادونو خلکو سختې نيوکې کړې دي، بلکې په خپله په سلګونو پاکستانيانو هم د طارق جميل په دې ويډيو نيوکې کړې دي.

دا هم ولولئ

آیا د مړینې پر مهال ټولې خاطرې په دماغو کې تکراریږي؟

ساینسپوهانو د مړینې پر مهال د یوه شخص دماغي فعالیتونه تر څېړنې لاندې نېولي او …