کورپاڼه / کرکټ / د شپږيزې ليګ د لوبو مهالوېش اعلان شو
شپږيزه ليګ

د شپږيزې ليګ د لوبو مهالوېش اعلان شو

د افغانستان کرکټ بورډ د سږکال شپږيزې کرکټ ليګ اووم پړاو د سياليو مهالوېش اعلان کړ، چې لومړۍ لوبه به د مس عينک اتلانو او بند امير ښامارانو ترمنځ ترسره شي.

مس عينک اتلانو لوبډلې د تېر کال د شپږيزې اتلولي خپله کړې وه او د بند امير ښامارانو لوبډلې بيا په پايلوبه کې ماتې خوړلې وه او دويم مقام کې راغلې وه.

سږکال د دواړو لوبډلو ترمنځ د لومړۍ لوبې څخه د شپږيزې سيالۍ پيلېږي. لومړۍ لوبه به د سپتمبر په ٦مه نېټه او ماسپښين يوه نيمه بجه پيل شي.

د سپتمبر په اوومه نېټه به سهار نهه نيمې بجې د سپين غر پړانګان او د امو نهنګان لوبه ترسره کړي او ماسپښين دوه بجې به د کابل بازان او د بوست ساتونکي مېدان ته کوز شي.

د سپتمبر په اتمه نېټه سهار د مس عينک اتلانو او کابل بازانو لوبه ده، همدا راز ماسپښين بيا د بند امير ښامارانو او بوست ساتونکو ترمنځ لوبه ترسره کېږي.

د سپتمبر په نهمه نېټه سهار د امو نهنګان او بند امير ښاماران لوبه کوي، ماسپښين بيا د سپين غر پړانګان او د مس عينک اتلان مېدان ته کوزېږي.

د سپتمبر په ١٠مه نېټه به سهار د بوست ساتونکي د سپين غر پړانګانو سره مخامخ شي او ماسپښين به بيا د کابل بازان د امو نهنګانو سره ولوبېږي.

د سپتمبر په ١١مه نېټه به سهار د بند امير ښاماران او سپين غر پړانګان او ماسپښين به د مس عينک اتلان او د بوست ساتونکي مېدان ته کوز شي.

د سپتمبر په ١٢مه نېټه سهار د کابل بازان او بند امير ښاماران سره مخامخېږي او ماسپښين بيا د امو نهنګان او د مس عينک اتلان خپل زور ازمايي.

د سپتمبر په ١٣مه نېټه سهار د کابل بازان د سپين غر پړانګانو مخې ته ورځي او ماسپښين بيا د امو نهنګان او د بوست ساتونکي مېدان ته کوزېږي.

د سپتمبر په ١٤مه نېټه سهار لومړۍ کواليفاير او ماسپښين ايليمېنټر لوبه ترسره کېږي، په ١٥مه به بيا دويمه کواليفاير لوبه ترسره شي او پايلوبه د سپتمبر په ١٥مه نېټه ماسپښين يوه بجه ترسره کېږي.

د شپږيزې ليګ مهالوېش

د يادولو وړ ده چې ټولې لوبې د کابل په لوبغالي کې ترسره کېږي، چې د ملي ټلويزيون له لارې به په ژوندۍ بڼه وښودل شي، خو تر دې مهاله پورې پرېکړه نه ده شوې چې لوبغالي ته به تماشچيان پرېښودل شي او که نه.

Loading...

ليکوال\خبريال: خپلواک

Avatar

دا هم ولولئ

رحمان الله ګربز

رحمان الله ګربز: د روان شپږيزه ليګ اتلولي به په خپل نوم کړو

په شپږيزه کرکټ ليګ کې د کابل بازانو لوبډلې لوبډلمشر، ځوان او چټک توپوهونکى او …