کورپاڼه / تجارتي ليګونه / د نوين الحق لوبډلې د نجيب الله ځدراڼ او محمد نبي لوبډلې ته ماتې ورکړه
نوين الحق

د نوين الحق لوبډلې د نجيب الله ځدراڼ او محمد نبي لوبډلې ته ماتې ورکړه

په بېګانۍ لوبه کې نوين الحق يو ځل بيا دوه ويکټې ترلاسه کړې، همدا راز نجيب الله ځدراڼ ١٩ او محمد نبي ١٣ منډې ترلاسه کړې، چې د نوين الحق لوبډلې بريا خپله کړه.

د کارابين پريمئير ليګ (سي پي ايل) ٢٤مه لوبه د سينټ لوسيه زوکس او ګيانا امازون واريرز لوبډلو ترمنځ ترسره شوه.

د لوبې پچه واريرز لوبډلې وګټله او لومړى يې د زوکس لوبډلې ته د توپوهنې بلنه ورکړه.

سينټ لوسيه زوکس په ټاکلو ٢٠ اورونو کې د ٧ لوبغاړو په سوځېدو ١٠٩ منډې ترلاسه کړې، چې له ډلې يې جاويل ګلين ٢٣ ناسوځېدلې، راهکيم کورنوال ٢١، نجيب الله ځدراڼ ١٩ او محمد نبي ١٣ منډې وکړې.

د واريرز له لوري کيمو پاول او نوين الحق ٢-٢ ويکټې ترلاسه کړې. نوين الحق په ٤ اورونو کې ٢٤ منډې ورکړې او ١ مېډين اور يې هم ترسره کړ.

د ١١٠ منډو هدف د ګيانا امازون واريرز لوبډلې ته ډېر اسانه ثابت شو، چې په ١٣.٥ اورونو کې يې د ٣ لوبغاړو په سوځېدو پوره کړ او د ٧ ويکټو په توپير يې بريا خپله کړړه.

د دوى له لوري شيمرون هيټماير په ٣٦ توپونو ٥٦ ناسوځېدلې منډې وکړې، چندرپال همراج هم ٢٦ منډې ترلاسه کړې.

د زوکس له لوري محمد نبي، سکاټ کګلين او جاويل ګلين ١-١ ويکټ واخيستې.

د لوبې د غوره لوبغاړي جايزه شيمرون هيټماير ته ورکړل شوه.

د يادې لوبې په بريا سره ګيانا امازون واريرز ٥ برياوې خپلې کړې، همدا راز زوکس هم ٥ برياوې خپلې کړې دي، خو ګيانا امازون لوبډله دويم مقام ته لاړه.

تر دې مخکې په ٢٣مه لوبه کې بيا د ټرينباګو نايټ رايډرز لوبډلې د سينټ کيټس اېنډ نيويس پېټريټس لوبډلې ته د ٥٩ منډو په توپير ماتې ورکړې وه، چې پرلپسې په ٨ لوبو کې يې ٨ برياوې خپلې کړې دي او تر ټولو مخکښه لوبډله ده.

نن به د جمايکا ټلاواس او سينټ کيټس اېنډ نيويس پېټريټس او همدا راز د بارباډوس ټريډينټس او ګيانا امازون واريرز لوبډلو ترمنځ لوبې ترسره شي.

Loading...

ليکوال\خبريال: خپلواک

Avatar

دا هم ولولئ

شيکر دهون

شيکر دهون په اى پي ايل کې نوى ريکارډ جوړ کړ

د هند کرکټ ملي لوبډلې چټک توپوهونکي او په اى پي ايل کې د ډيلي …