کورپاڼه / د لوبو راپورونه / د جاوید احمدي سلیزې امو لوبډله بریالۍ کړه

د جاوید احمدي سلیزې امو لوبډله بریالۍ کړه

د زونونو په کچه په کندهار کې د غازي امان الله خان په نامه د پیل شویو لېسټ اې لوبو په دریمه لوبه کې د امو لوبډلې کپتان جاوید احمدي سلیزه ووهله او خپلې لوبډلې ته یې له بوست لوبډلې لوبه وګټله.

د لېسټ اې لوبو دریمه سیالي نن د امو نهنګانو لوبډلې د اووه ویکتو په توپیر له بوست لوبډلې وګټله چې په دې سره یې په دغو سیالیو کې لومړۍ بریا ترلاسه کړه.

په دغې لوبه کې پچه د امو لوبډلې وګټله، خو د توپ وهنې بلنه یې د بوست لوبډلې ته ورکړه بوست په ټاکل شویو پنځوسو اورونو کې د پنځو لوبغاړو په سوځېدو سره امو لوبډلې ته د ۲۱۷ منډو هدف وټاکه.

د بوست لوبډلې لپاره په توپ وهنه کې احسان الله جنت ۷۰ منډې ناصر جمال ۶۹ او منیر احمد کاکړ بیا ۴۸ منډې په وروستیو کې د خپلې لوبډلې لپاره وکړې.

د امو لوبډلې لپاره په توپ اچونه کې ننګیالي خروټي دوه ویکټې او شرف الدین اشرف بیا یو لوبغاړی وسوځاوه.

د بوست لوبډلې ټاکل شوی د ۲۱۷ منډو هدف امو په ۴۶م اور کې د دریو لوبغاړو په سوځېدو سره پوره کړ او په یاده سیالۍ کې بریا ترلاسه کړه.

د امو نهنګانو لوبډلې لپاره کپتان جاوید احمدي په زړه پورې توپ وهنه وکړه، نوموړي په ۱۳۰ توپونو باندې ۱۲۵ ناسوځېدلې منډې د ۱۱ څلوریزو او ۲ شپږیزو پرمټ وکړې.

د امو لوبډلې لپاره د توپ اچونې په برخه کې افسر ځاځي ۱۹ او عبدالمالک هم ۲۱ منډې وکړې.

د بوست لوبډلې لپاره محمد عالم او یامین احمدزي یوه- یوه ویکټ ترلاسه کړه، خو لوبډلې لوبه بایلوده.

د ا سیالي په اووه ویکټو د امو لوبډلې وګټله.

د دې لوبې غوره لوبغاړی د امو لوبډلې کپتان جاوید احمدي وټاکل شو نوموړي په نن لوبه کې سلیزه ووهله.

د یادولو ده چې لېسټ اې لوبې په کندهار ولایت کې د زونونو په کچه د روانې اکتوبر میاشتې په لسمه نېټه پیل شوي دي چې تر ۲۳ مې نېټې پورې به دوام وکړي.

Loading...

ليکوال\خبريال: خان وزير عابد

خان وزير عابد
خان وزير عابد ورزشي خبريال او ليکوال دى، چې له بېلا بېلو رسنيو سره يې په ورزشي برخه کې کار کړى دى. نوموړى اوس مهال د خبريال وېبپاڼې ايډيټر او ورزشي خبريال دى.

دا هم ولولئ

ډي کوک او ايشان کشن

ممبۍ انډينز د چيناى سوپر کنګز لوبډلې ته ستره ماتې ورکړه

د ټرينټ بولټ زبردسته توپ اچونه او د ايشان کشن او کوانټين ډي کوک د …