کورپاڼه / تجارتي ليګونه / نبي ته زرین چانس، کولی شي حیدراباد په نیمه کې پریږدي او له بلې لوبډلې سره یوځای شي

نبي ته زرین چانس، کولی شي حیدراباد په نیمه کې پریږدي او له بلې لوبډلې سره یوځای شي

د افغانستان د کرکټ ملي لوبډلې مشهوره لوبغاړي او د نړۍ لومړي نمبر الرونډر لوبغاړي محمد نبي ته د هند په غوره لیګ ای پی ایل سیالیو کې سنرایزرز لوبډلې سږکال یوازې په یوې لوبه کې چانس ورکړی دی.

د هند کرکټ بورډ یا بي سي سي ای اعلان کړی دی چې د دوی د نوي قانون له مخې د ای پي ایل په هره لوبډله کې هغه لوبغاړي چې ډیر چانس یې نه وي ترلاسه کړی د خپلې لوبډلې پر ځای بلې لوبډلې ته اوښتی شي.

د هند کرکټ بورډ پر وینا د نوي قانون له مخې کله چې د ای پي ایل سیالۍ نیمایي ته ورسیږي نو لوبډلې په خپلو لوبغاړو کې بدلون راستلی شي.

د بي سي سي ای قانون له مخې هغه لوبغاړي هم کولی شي چې د سږني ای پي ایل په نیمایي لوبو کې یوازې یوځلي یا دوه ځلي په لوبو کې لوبېدلی وي.

د دې قانون له مخې که یو لوبغاړي د خپلې لوبډلې په اتو یا اووه سیالیو کې یوازې یوه / یا دوه لوبې کړي وي کولی شي چې په قانوني بڼه خپله لوبډله بدله کړي او د نیمو سیالیو تړون له یوې بلې لوبډلې سره وکړي.

د همدغې قانون په بنسټ د نړۍ پیاوړی افغان الراونډر محمد نبي کولی شي چې د سنرایزرز لوبډله په نیمه کې پریږدی او له یوې مناسبې لوبډلې سره تړون لاسلیک کړي.

افغان لوبغاړي محمد نبی تر دا مهاله د سنرایزرز لوبډلې لپاره یوازې یوه لوبه ترسره کړې ده او په پاتو اووه لوبو کې نه دی لوبېدلی دی.

د کین ویلیمسن، جاني بیرسټو، ډیویډ وارنر او د راشد خان په شتون کې محمد نبي ته په یوولس کسیزه لوبډله کې چانس نه ورکول کیږي.

څه وخت وړاندې د هندۍ لوبډلې پخواني لوبغاړی ګاتم ګمبیر هم ویلی و چې د محمد نبي ارزښت د سنرایزرز لوبډلې سره نشته دی که چېرې له بلې لوبډلې سره یې شتون درلود، نو په ټولو سیالیو کې به لوبیدلی وی.

دا هم ولولئ

ملتان سلطانز لوبډلې د پي ایس ایل پایلوبې ته لار وموندله

بیګا په پي ایس ایل کې ملتان سلطانز یو ځل بیا د لاهور قلندرز لوبډلې …