کورپاڼه / بېلا بېل / شاهین آسمایي لوبډلې د افغانستان فوټبال غوره لیګ اتلولي په خپل نوم کړه

شاهین آسمایي لوبډلې د افغانستان فوټبال غوره لیګ اتلولي په خپل نوم کړه

د افغانستان د فوټبال غوره لیګ سیالیو اتلولي د پنځم ځل لپاره د شاهین اسمایي لوبډلې په خپل نوم کړه.

د ۲۰۲۰م کال فوټبال غوره لیګ سیالۍ چې د تلې په دویمه نېټه له نن ۲۳ ورځې وړاندې د کابل په فوټبال لوبغالي کې پیل شوې وې، نن یې اتلولي شاهین اسمایی لوبډلې په خپل نوم کړه.

شاهین اسمایی لوبډلې په نن لوبه کې سیمرغ البرز لوبډلې ته د دوه پر صفر ګول ۱___۰ ماتې ورکړه او د دې جام سیالیو اتلولي په خپل نوم کړه.

به فوټبال غوره لیګ سیالیو کې اته لوبډلې شاهین اسمايي، د سپین‌غر بازان، د اباسین څپې، موج‌های امو، هندوکش عقابان، د میوند اتلان، طوفان هریرود او سیمرغ البرز لوبډلې ولوبېدلې.

د فوټبال غوره لیګ سیالیو د پای لوبې مراسمو ته نن د افغان حکومت د مصالحې عالی شورا مشر ډاکټر عبدالله عبدالله هم لوبغالي ته د لوبې لیدلو لپاره ورغلی و.

عبدالله عبدالله د فوټبال فدراسیون ستاینه وکړه چې له کرونا ویروس وروسته یې په ډیر کم وخت کې یو ستر لیګ په بریالیتوب سره ترسره کړ.

عبدالله عبدالله د ټولو لوبډلو ستاینه وکړه چې په لیګ کې ښې لوبې وکړې، خو د شاهین اسمایی لوبډلې کلک مینه وال و.

د فوټبال غوره لیګ د پرانیستې مراسمو ته پښتنه سندرغاړې نغمه هم راغلې وه .

د دغې لیګ پای لوبې ته نږدې زرګونه مینه وال راغلي و چې خپلې لوبډلې یې له نږدې تشویق کړې.

په ورته وخت کې یو شمېر خبریالانو د افغانستان د فوټبال فدراسیون په مسووولینو باندې نیوکي کړي دي چې ګواکې یو شمېر لوبډلو د فدراسیون په خوښه په روغ لاس شاهین اسمایي لوبډلې ته لوبې بایلودې.

د افغانستان فوټبال فدراسیون لا تر اوسه د خبریالانو دغو نیوکو په
اړه څه نه دي ویلي، خو یوې بلې سرچیني خپلواک ویبپاڼې ته تایید کړه چې د فدراسیون په رهبرۍ کې یو شمېر مسوولین په دغې مسعله کې ښکېل دي.

Loading...

ليکوال\خبريال: خان وزير عابد

خان وزير عابد
خان وزير عابد ورزشي خبريال او ليکوال دى، چې له بېلا بېلو رسنيو سره يې په ورزشي برخه کې کار کړى دى. نوموړى اوس مهال د خبريال وېبپاڼې ايډيټر او ورزشي خبريال دى.

دا هم ولولئ

د ټرمپ مينه وال

هغه هندى ومړ، چې د ډونالډ ټرمپ عبادت يې کاوه

د هند هغه اوسېدونکى ومړ، چې د امريکا د ولسمشر ډونالډ ټرمپ عبادت به يې …