کورپاڼه / بېلا بېل / ولسمشر غني د فوټبال فدراسیون مسوولین او لوبغاړي ستایلي دي

ولسمشر غني د فوټبال فدراسیون مسوولین او لوبغاړي ستایلي دي

افغان ولسمشر محمد اشرف غني نن وروسته له غرمې د افغانستان د فوټبال فدراسیون له مسوولینو او د فوټبال غوره لیګ سیالیو لوبغاړو سره په ارګ کې لیدلي دي.

ولسمشر غني په دغې ناسته کې د فوټبال فدراسیون د مسوولینو ترڅنګ د افغان غوره لیګ ګټونکې لوبډلې شاهین آسمایي او بایلونکي لوبډلې سیمرغ آلبرز لوبغاړو ترڅنګ د انجونو لوبغاړو سره هم ولیدل.

ولسمشر محمد اشرف غني د فوټبال فدراسیون هڅې وستایلې چې د انجونو او نارینه لوبډلو لوبغاړو لپاره یې د فوټبال غوره لیګ سیالۍ په لاره اچولې وې .

ولسمشر محمد اشرف غني د افعانستان ځوانو فوټبالرانو ته په خطاب کې وویل، چې تاسې زموږ ویاړ او د افغانستان ځوان نسل الګو یاست .

د فوټبال فدراسیون رئیس یوسف کارګر هم په دې ناسته کې د امنیت په برخه کې له افغان ځواکونو مننه وکړه او وې ویل، افغانستان د فوټبال غوره لیګ نهم پړاو سیالیو د یووالي، وفاق، ملي پیوستون او جمهوري نظام څخه د ملاتړ پیغامونه له ځانه سره لرل.

ولسمشر غني په دې ناسته کې ټولو فوټبالرانو ته د لیګ د بریالیتوب له کبله مبارکي ورکړه او د فوټبال فدراسیون د مسوولینو غوښتنې یې هم واوریدلې.

ولسمشر ژمنه وکړه چې افغان حکومت به له مادي او معنوي لارو د فوټبال د پرمختګ په موخه مرستې وکړي.

تېره شپه د افغانستان د فوټبال غوره لیګ سیالیو وروستۍ پای لوبه د شاهین آسمایي لوبډلې او سیمرغ البرز لوبډلو ترمنځ ترسره شوه چې پکې شاهین آسمایي لوبډلې دوه پر صفر اتلولي ترلاسه کړه.

د دغې پای لوبې لیدلو لپاره نږدې زرګونه لیدونکي کابل کې د فوټبال لوبغالي ته راغلی و چې د خپلې خوښې لوبډلې یې تشویقولې.

د یادولو ده چې د تېرې شپې په پای لوبه کې لوبغالي ته د ډیرو مینه والو د راتګ په نتیجه کې خالي ځای شتون نه درلود چې له کبله یې د فوټبال سلګونه نور لیدونکي د لوبغالي بهر بند پاتي شوي و.

Loading...

ليکوال\خبريال: خان وزير عابد

خان وزير عابد
خان وزير عابد ورزشي خبريال او ليکوال دى، چې له بېلا بېلو رسنيو سره يې په ورزشي برخه کې کار کړى دى. نوموړى اوس مهال د خبريال وېبپاڼې ايډيټر او ورزشي خبريال دى.

دا هم ولولئ

سنګاپور الوتکه

د نړۍ تر ټولو اوږد پرواز؛ پوهېږئ څو ساعته دى؟

د سنګاپور څخه امريکا ته د نړۍ تر ټولو اوږد پرواز پيلېږي، چې په نومبر …