کورپاڼه / تجارتي ليګونه / د سنېل ناراین شکمن بالېنګ پاک اعلان شو

د سنېل ناراین شکمن بالېنګ پاک اعلان شو

د هند غوره لیګ ای پی ایل سیالیو په دوام نن د اکتوبر پر ۱۸مه نېټه غرمه دوه نیمي بجې په ۳۵مه لوبه کې د افغان لوبغاړي راشد خان اړوند لوبډلې سنرایزرز حیدراباد او کلکته نایټرایډرز ترمنځ سیالي ترسره کیږي.

د دغې لوبې وړاندې د کلکتې لوبډلې تکړه ویسټ انډیزي ورو توپ اچووونکي سنیل ناراین ته په قانوني بڼه بېرته د توپ اچونې اجازت ورکړل شوه.

د سنيل ناراين د توپ اچووني انداز یا اکشن چې د کینګز الیون پنجاب لوبډلې په وړاندې غير قانوني بلل شوی وو د ای پي ايل د شکمن بالينګ کمېټې بيرته پاک بللی او ويلي يې دي چي بالېنګ یې هيڅ ستونزه نه لري.

په ای پی ایل سیالیو کې د لوبڅارانو له شک وروسته د بالېنګ شکمنې کمېټې د سنیل ناراین بالېنګ د څو اړخونو له لارې تر څار لاندې نیولی و چې په پای کې د نوموړي بالېنګ پاک اعلان شو.

د ای پي ایل سیالیو د بالېنګ شکمنې کمېټې په یوې اعلامیه کې ویلی دي چې ناراین رسمآ د خپل بالینګ ارزونې غوښتنه کړې وه چې په پای کې له ژورې ارزونې وروسته بریالی راووت.

سنیل ناراین چې د کلکتې لوبډلې لپاره یې په دوو پرله پسې بریاوو کې مثبت رول لوبولی و د پنجاب لوبډلې خلاف له لوبې وروسته د بالینګ کولو څخه منع شو.

د کلکتې لوبډلې او په خپله سنیل ناراین هم په دې اړه حیرانتیا ښودلې وه چې ولې بالینګ د ای پي ایل سیالیو په منځ کې شکمن اعلان شو؟

سنیل ناراین اوس کولی شي چې دوه ساعته وروسته د حیدراباد لوبډلې سره په لوبه کې د توپ وهنې ترڅنګ توپ اچونه هم ترسره کړي.

دا د کلکتې مینه والو لپاره ښه خبر دی ځکه چې سنیل ناراین د بالینګ پراخه تجربه لري او کولی شي چې د خپلې توپ اچونې پر مټ کلکتې لوبډلې ته لوبې وګټي.

د کلکتې لوبډلې مینه والو هم د ناراین بالینګ ته خوښي ښودلې ده او ورته یې هرکلی ویلی دی.

Loading...

ليکوال\خبريال: خان وزير عابد

خان وزير عابد
خان وزير عابد ورزشي خبريال او ليکوال دى، چې له بېلا بېلو رسنيو سره يې په ورزشي برخه کې کار کړى دى. نوموړى اوس مهال د خبريال وېبپاڼې ايډيټر او ورزشي خبريال دى.

دا هم ولولئ

وريندر سهواګ او راهول ټيواټيا

وريندر سهواګ: ټيواټيا هر څه کولاى شي، که د کورونا واکسين جوړولو موقع ورکړل شي، ښايي هغه هم جوړ کړي

راهول ټيواټيا چې په اى پي ايل کې د راجستان رايلز لوبډلې لپاره لوبېږي، نن …