کورپاڼه / خپلواک / ملي لوبغاړی افتاب عالم له چاودنې روغ وتلی
افتاب عالم

ملي لوبغاړی افتاب عالم له چاودنې روغ وتلی

خپلواک وېبپاڼه (۷ اکتوبر ۲۰۱۹): د افغانستان کرکټ لوبډلې ملي لوبغاړی افتاب عالم په جلال اباد کې له يوې چاودنې روغ وتلی دی او د خدای پاک شکر يې ادا کړی دی.

افتاب عالم څو دقيقې مخکې په خپله رسمي فېسبوکپاڼه باندې ليکلي دي، چې الله تعالی په خپل رحم سره وساتلو. هغه وايي چې د تمرين په جريان کې د اکاډمۍ تر څنګ چاودنه وشوله. نوموړي يو انځور هم خپور کړی دی او په هغې کې يې د چاودنې يوه ټوټه هم ښکاره کړې ده.

د معلوماتو تر مخه، په جلال اباد کې چاودنه شوې ده چې ۴ تنه پکې ټپيان دي. دغه چاودنه د جلال اباد په ښار کې د ملي اردو جلب و جذب مرکز ته څېرمه شوې ده.

د ننګرهار ولايت مقام د چاودنې پېښه تاييد کړې ده خو د چاودنې د نوعيت او اوښتو زيانونو په اړه يې څه نه دي ويلي. همدا راز تراوسه پورې د بريد مسووليت هم چا په غاړه نه دی اخيستی.

بلخوا افتاب عالم ويلي چې د کرکټ اکاډمۍ ته نږدې چاودنې شوې ده او ټوټې يې دننه اکاډمۍ ته هم راغلي دي چې دوی پکې خدای پاک ساتلي دي.

د يادولو ده چې افتاب عالم د افغانستان کرکټ ملي لوبډلې چټک توپ اچوونکی دی چې ۲۷ يو ورځنۍ نړيوالې لوبې يې ترسره کړي دي او ۴۱ ويکټې يې ترلاسه کړي.افتاب عالم ۱

همدا راز په ۱۲ شل اوريزو نړيوالو لوبو کې يې هم ګډون کړی دی او ۱۱ ويکټې يې اخيستي دي. خو په ۲۰۱۹ نړيوال جام کې د ډيسپلين د ماتولو په تور د افغانستان کرکټ بورډ د ډيسپلين کمېټې پرې یو کال بندېز لګولی دی او ويل کېږي چې يو کال به ونه شي کولای په کورنيو او نړيوالو لوبو کې ګډون وکړي.

Loading...

دا هم ولولئ

شفيق الله شفق

کرکټ بورډ په شفيق الله شفيق د فساد له امله ٦ کاله بندېز ولګاوه

د افغانستان کرکټ بورډ وايي، چې د ملي لوبډلې په نامتو لوبغاړي شفيق الله شفق …