کورپاڼه / خبرونه / د هند پخواني کرکټر کپيل ديو باندې د زړه حمله راغلې
کپيل ديو

د هند پخواني کرکټر کپيل ديو باندې د زړه حمله راغلې

د هند کرکټ ملي لوبډلې د نړيوال جام ګټونکى پخوانى لوبډلمشر کپيل ديو باندې د زړه حمله راغلې ده او هغه اوس په روغتون کې بستر دى.

د کپيل ديو انجيوپلاسټي د نوي ډيلي په يو روغتون کې ترسره کېږي.

د هندي رسنيو د راپورونو په وېنا، د نړيوال جام ګټونکي د هند ملي لوبډلې پخوانى لوبډلمشر کپيل ديو د زړه د حملې له امله په روغتون کې بستر دى او په يوه شخصي روغتون کې يې اينجيو پلاسټي ترسره کېږي.

په راپور کې ويل شوي دي، چې د کپيل ديو په اړه مخکې داسې څه نه و ويل شوي، چې هغه د زړه ناروغي لري، دا د زړه حمله ډېره ناڅاپي وه.

٦١ کلن کپيل ديو په ١٩٨٣ کال کې د هند کرکټ ملي لوبډلې لوبډلمشر و چې په خپله لوبډلمشرۍ کې يې په لومړي ځل هند په نړيوال جام کې اتلولۍ ته ورساوه، د کپيل ديو نوم د نړۍ په غوره الراونډرانو کې هم شمارل کېده.

د کورونا له امله د لوبو سره تړلي هغه خلک چې خپلې دندې يې له لاسه ورکړې وې، کپيل ديو په دې وروستيو کې د هغوى لپاره هڅې پيل کړې وې.

د کپيل ديو د زړه د حملې په اړه له خبرېدو وروسته د هند مشهورو کرکټرانو سچن ټنډولکر، يوراج سينګ، وريندر سهواګ، ويراټ کوهلي، سريش راينا، وي وي ايس لکشمن، اشوين، ايشانت شرما، محمد کېف او نورو ډېرو لوبغاړو په ټولنيزو رسنيو کې د هغه د روغتيا لپاره دعاوې کړې دي.


کپيل ديو د هند کرکټ ملي لوبډلې لپاره ١٣١ ټېسټ او ٢٢٥ نړيوالې يو ورځنۍ لوبې ترسره کړې وې. هغه په ټېسټ لوبو کې ٥٢٤٨ او په نړيوالو يو ورځنيو لوبو کې ٣٧٨٣ منډې ترلاسه کړې وې.

همدا راز هغه چټکه توپ اچونه ترسره کوله او په ټېسټ لوبو کې يې ٤٣٤ او په نړيوالو يو ورځنيو لوبو کې يې ٢٥٣ ويکټې هم ترلاسه کړې وې.

Loading...

دا هم ولولئ

راشد خان (4)

د نړيوال جام خيانت؛ ولس تراوسه هم راشد خان ته غصه دى؟

د ٢٠١٩ کال نړيوال جام د افغانستان د کرکټ په تاريخ کې يوه مهمه پېښه …