کورپاڼه / د لوبو راپورونه / پاکستان په دويمه لوبه کې هم زمبابوې ته ماتې ورکړه

پاکستان په دويمه لوبه کې هم زمبابوې ته ماتې ورکړه

پاکستان د زمبابوې پر وړاندې په دويمه نړيواله يو ورځنۍ لوبه کې ښه توپ اچونه او ښه توپوهنه ترسره کړه او دويمه بريا يې هم خپله کړه، چې له دې سره يې د درې نړيوالو يو ورځنيو لوبو لړۍ هم په خپل نوم کړه.

د پاکستان او زمبابوې ترمنځ د درې نړيوالو يو ورځنيو لوبو لړۍ دويمه نړيواله يو ورځنۍ لوبه د پاکستان په پېنډۍ ښار کې ترسره شوه.

د لوبې په پيل کې زمبابوې پچه وګټله او لومړى يې توپوهنه غوره کړه.

زمبابوې په ٤٥.١ اورونو کې د ټولو لوبغاړو په سوځېدو ٢٠٦ منډې وکړې، چې له ډلې يې سين ويليسم ٧٥، برينډن ټيلر ٣٦، براين چاري ٢٥ او بليسنګ موزرباني ١٧ منډې وکړې.

پاکستان او زمبابوې

د پاکستان له لوري افتخار احمد په زړه پورې توپ اچونه ترسره کړه چې د زمبابوې ٥ لوبغاړي يې وسوځول، همدا راز محمد موسى ٢، حارث روف، فهيم اشرف او عماد وسيم ١-١ ويکټ واخيستې.

د پاکستان له لوري محمد موسى او حېدر علي نن خپله لومړۍ نړيواله يو ورځنۍ لوبه ترسره کوي.

د ٢٠٧ منډو هدف د پاکستان لوبډلې په ٣٥.٢ اورونو کې د ٤ لوبغاړو په سوځېدو پوره کړ او د ٦ ويکټو په توپير يې بريا خپله کړه. د پاکستان له لوري بابر اعظم ٧٧ ناسوځېدلې، امام الحق ٤٩، حېدر علي ٢٩ او عابد علي ٢٢ منډې وکړې.

د زمبابوې له لوري ټينډاى چيسورو ٢، سين ويليمس او سکندر رضا ١-١ ويکټ واخيستې.

د لوبې د غوره لوبغاړي جايزه افتخار احمد ته ورکړل شوه، چې نوموړي په نننۍ لوبه کې پنځه لوبغاړي وسوځول، هغه په ١٠ اورونو کې ٤٠ منډې ورکړې او ٢ مېډن اورونه يې هم ترسره کړل.

پاکستان د ٣ نړيوالو يو ورځنيو لوبو لړۍ کې ٢ لوبې وګټلې او له دې سره يې لوبلړۍ هم په خپل نوم کړه. د دې لړۍ وروستۍ نړيواله يو ورځنۍ لوبه به د نومبر په ٣مه نېټه د پاکستان په پېنډۍ ښار کې ترسره شي.

Loading...

دا هم ولولئ

انګلستان لوبغاړى

انګلستان د سريلانکا لوبډله په ١٣٥ منډو وسوځوله

د انګلستان او سريلانکا ترمنځ لومړۍ ټېسټ لوبه په ګال کې پيل شوې ده، چې …