کورپاڼه / روغتيا / د روغتیا لپاره د موبایل الارام غوره دی که د ساعت؟
د موبايل الارم

د روغتیا لپاره د موبایل الارام غوره دی که د ساعت؟

کارپوهان وایي چې د ساعت الارام د موبایل الارام پرتله ډېر غوره دی.

د موبایل په ایجاد سره د ډېرو شیانو استعمال کم شوی دی لکه ساعتونه، کامرې، بجلي، د الارام ساعتونه او داسې نور. اوس په ټوله نړۍ کې په میلونونه خلک د الارام ساعت پر ځای د موبایل الارام استعمالوي. چې د انسان په طبیعت منفې اغېزې ښیندي او خلک مجبوروي چې بېرته د ساعتونو الارام وکاروي.

د موبایل پرځای د ساعت الارام د استعمال سببونه:

د موبایل د الارام غږ د ساعتونو د الارام څخه مختلف وي او دا ځکه مختلف وي چې د ساعت الارام یوازې د همدې لپاره جوړ شوي دي او د موبایل د الارام سره سهار له خوبه د جګېدو سره سم په موبایل کې مصروفېږئ، چې همدا مصروفیدل د انسان پر روغتیا ناوړه اغېزې پرېباسي.

د شپې راغلي میسجونه او ایمیلونه سهار له خوبه د پاڅېدو سره سمدستي کتل د انسان پر روغتیا ناوړه اغېزې لرلی شي.

روغتیاپالان په بستره کې د موبایل استعمال منع کوي ځکه چې د وېده کېدو څخه مخکې که موبایل استعمال شي نو تر ډېره د خوب د نه راتللو وېره هم پیدا کولی شي، چې د انسان په بدن ناوړه اغېزې کوي.

دا هم ممکن ده چې د شپې مو په موبایل کې چارج خلاص شي او سهار مو له خوب جګ نشي کړای.

بله خوا د امریکا د کیلیفورنیا ایالت د روغتیا د برخې څېړونکو د موبایل د تاوانونو په برخه ویلي ول، چې موبایل راډیو اکټیوټي او نورې وړانګې خپروي، چې زیات کارول یې د انسان روغتیا خرابولی شي. دوی زیاتوي وایي، چې موبایلونه راډیویي څپې خپروي، چې دا ډول څپې په ځانګړي توګه په ماشومانو او ځوانانو کې دماغي وعده کمزورې کوي، دغه د هیډفون استعمال او د خوب پر مهال موبایل څنګ ته ایښودل دماغي سرطان هم پیدا کولی شي.

Loading...

دا هم ولولئ

مخ وينځل

څو ځلې باید په ورځ کې مخ ومینځل شي؟

ډېری خلک دا فکر کوي، چې په ورځ کې چې څومره مخ ومینځي، هومره به …