کورپاڼه / روغتيا / د انارو د جوسو حیرانونکې ګټې
د انارو جوس

د انارو د جوسو حیرانونکې ګټې

د انارو په اړه یو حدیث شریف دی، چې د انار خوړل د هاضمې سیستم قوي کوي. نو راځئ په دې موسم کې چې انار په مناسب قیمت ترلاسه کولی شو، خوړل یې خپل عادت وګرځوو.

د انارو د جوسو ګټې:

د یوې طبي څېړنې څخه دا خبره څرګنده شوه، چې په ورځني ډول د انارو جوس څښل د وینې په لوړ فشار کې پنځه سلنه کموالی راولي او د غاښونو د چینجنېدو څخه د خلاصون طبیعي درمل هم دي.

د انارو تازه اوبه څښل هم بند رګونه خلاصوي او هم د زکام او نزلې لپاره ډېر ګټور تمامېږي.

د انارو جوس که څه هم د زړه لپاره ګټور دی، د ستړیا په لرې کولو یې هم ښه ګڼلی شو. دغه راز د انسان تمرکز او فکر دوه برابر هم زیاتولی شي.

روغتیایي کارپوهانو د ښې روغتیا او د ذهني فشار څخه د خلاصون ښه لار د انارو جوس ښودلی. د انارو د شربت په څښلو د ذهني فشار د هورمون او د وینې د لوړ فشار کچه ټیټولی شي.

په ورځني ډول د انارو جوس څښل د خیټې په شاوخوا کې وازده اوبه کوي. د انارو په جوسو کې په طبیعي ډول داسې مواد شتون لري، چې د چاغوالي حجرې وژني او وازده اوبه کوي.

د انارو استعمال د پښتورګو ناروغانو ته هم ګټور دی.

په ۱۰۰ ګرامه انارو کې یوازې ۸۳ یې کالري لري، چې د انسان بدن چست او چالاک ساتي. که چېرته ورزش کوئ نو د انارو جوس ضرور وڅښئ ځکه چې په انارو کې په زیاته کچه معدني مواد شتون لري او په همدې وجه به لږ وږي کېږئ او د هاضمې سیستم به مو ګړندی وي.

تر ټولو مهمه خبره دا چې په انارو کې غوړ نه وي او د هغه کسانو لپاره ډېر ګټور تمامېدلی شي، چې ورزش کوي.

په انارو کې موجود فیټو کیمیکلونه د وینې لوړ فشار او کولسټرول کموي او په ورځني ډول د انارو تازه جوس څښل د وینې د شیریانونو ستونزه هواروي، چې د فلج کېدو، د زړه او نورو ناروغیو سبب ګرځي.

Loading...

دا هم ولولئ

تازه مېوې

کومې مېوې مو وزن ژر تر ژر کمولی شي؟

د وزن ډېرول ترټولو ډېر آسانه کار دی خو په ډېر شوي وزن کې کمی …