کورپاڼه / د لوبو راپورونه / پاکستان د شل اوريزو لوبو په لړۍ کې زمبابوې ته وايټ واش ماتې ورکړه
زمبابوې او پاکستان

پاکستان د شل اوريزو لوبو په لړۍ کې زمبابوې ته وايټ واش ماتې ورکړه

پاکستان د ٣ نړيوالو شل اوريزو لوبو لړۍ وروستۍ لوبه هم وګټله او د درې واړه لوبو په ګټلو سره يې زمبابوې ته په لړۍ کې وايټ واش ماتې ورکړه.

د پاکستان او زمبابوې ترمنځ د درې نړيوالو شل اوريزو لوبو دريمه يا وروستۍ لوبه د پاکستان په پېنډۍ کرکټ لوبغالي کې ترسره شوه.

د لوبې په پيل کې زمبابوې پچه وګټله او لومړى يې توپوهنه غوره کړه.

زمبابوې په ټاکلو ٢٠ اورونو کې د ٩ لوبغاړو په سوځېدو ١٢٩ منډې وکړې، چې له ډلې يې لوبډلمشر چمو چيبابا ٣١، ډونالډ ټريپانو ٢٨، ميلټن شومبا ١١ او ويلنګټن مسکدزا ١١ منډې وکړې.

د پاکستان له لوري عثمان قادر بيا په زړه پورې توپ اچونه ترسره کړه، نوموړي په ٤ اورونو کې ١٣ منډې وکړې او ٤ لوبغاړي يې وسوځول، عماد وسيم بيا ٢ او حارث روف او محمد حسنين ١-١ ويکټ واخيستې.

پاکستان او زمبابوې

د ١٣٠ منډو هدف د پاکستان لوبډلې په ١٥.٢ اورونو کې د ٢ لوبغاړو په سوځېدو پوره کړ او د ٨ ويکټو په ستر توپير يې له زمبابوې څخه لوبه وګټله.

د دوى له لوري عبدالله شفيق ٤١ ناسوځېدلې، خوشدل شاه ٣٦ ناسوځېدلې، حيدر علي ٢٧ او فخر زمان ٢١ منډې ترلاسه کړې. همدا راز د زمبابوې له لوري ميلټون شومبا او ويلنګټن مسکدزا ١-١ ويکټ واخيستې.

د نننۍ لوبې د غوره لوبغاړي او همدا راز د لوبلړۍ د غوره لوبغاړي جايزه عثمان قادر ته ورکړل شوه.

له دې سره پاکستان ته د زمبابوې سفر هم پاى ته ورسېد. د دواړو لوبډلو ترمنځ لومړى د ٣ نړيوالو يو ورځنيو لوبو لړۍ ترسره شوه چې پاکستان دغه لړۍ د ٢-١ سره وګټله او وروسته يې د ٣ نړيوالو شل اوريزو لوبو لړۍ په ٣-٠ سره وګټله چې زمبابوې ته يې وايټ واش ماتې ورکړه.

د يادولو وړ ده چې د پاکستان له لوري عبدالله شفيق او د زمبابوې له لوري ميلټون شومبا او فراز اکرم نن خپله لومړۍ نړيواله شل اوريزه لوبه ترسره کوي.

Loading...

دا هم ولولئ

مجيب الرحمان

پېښور دويمه بريا او کوټې دريمه ماتې وخوړه

د پېښور زلمي حېدر علي، امام الحق، شيرفان رودرفورډ او شعېب ملک ډېره په زړه …