کورپاڼه / ساينس او ټېکنالوژي / په نړۍ کې تر ټولو زيات پلورل شوى ځيرک موبايل کوم يو دى؟
ځيرک موبايلونه

په نړۍ کې تر ټولو زيات پلورل شوى ځيرک موبايل کوم يو دى؟

د سامسنګ او هواوې د ځيرک موبايلونو د نړۍ ٢ ستر شرکتونه دي، چې په ټوله نړۍ کې د دوى موبايلونه او نورې الې ډېرې پلورل کېږي، خو ايا تاسې ته معلومات شته چې په نړۍ کې تر ټولو زيات پلورل شوى ځيرک موبايل د کوم شرکت دى؟

دا موبايل چې سږکال د جولاى څخه تر سپتمبر مياشتې پورې ډېر پلورل شوى دى، د هواوې يا سامسنګ بالکل نه دى، بلکې دا ځيرک موبايل د ايفون شرکت دى.

د ځيرکو موبايلو په اړه معلومات خپرونکى شرکت کينالز په خپل تازه راپور کې ويلي دي، چې د روان کال په دريمه برخه کې تر ټولو زيات چې کوم ځيرک موبايلونه پلورل شوي دي، په هغې کې اول او دويم موبايل د ايفون دي.

دا لومړى ځل نه دى، بلکې له تېرو پرلپسې يو کال راهيسې د ايفون ١١ ځيرک موبايل په ټوله نړۍ کې زيات پلورل کېدونکى موبايل دى.

هغه موبايلونه چې تر ټولو زيات پلورل شوي دي، په ١٠ موبايلونو کې پنځه د سامسنګ شرکت دي او ٣ موبايلونه بيا د شياومي شرکت دي.

خو د ايپل ايفون ١١ نه بيا دا ډېر شاته پاتې دي، ځکه د جولاى نه تر سپتمبر پورې ايفون ١١ خلکو ډېر خوښ کړى او همدا راز ډېرو خلکو اخيستى هم دى.

د جولاى نه تر سپتمبر مياشتې پورې د ايپل شرکت ١٦ ميليونه ايفون ١١ موبايلونه پلورلي دي، همدا راز په دويم مقام بيا د ايفون ايس اي (٢٠٢٠) دى، چې ١٠ ميليونه دانې پلورل شوى دى.


خوندوره خبره دا ده، چې ايفون ايس اي اوسمهال د ايفون تر ټولو ارزانه موبايل دى، خو بيا هم خلکو ايفون ١١ ډېر اخيستى دى.

د جولاى څخه تر سپتمبر پورې د ايپل عمومي چې څومره موبايلونه پلورل شوي دي، په هغې کې د ايفون ١١ ٤٠ سلنه برخه ده او د ايفون ايس اي برخه پکې ٢٨ سلنه ده.

ورپسې بيا د سامسنګ ګليکسي اې ٢١ ايس موبايل دى، بيا د سامسنګ ګليکسي اې ١١ او په پنځم مقام د سامسنګ ګليکسي اې ٥١ موبايل راغلى دى.

له هغه وروسته د شياومي ريډمي نوټ٩\١٠ ايکس موبايل دى، همدا راز ريډمي ٩، ګليکسي اې ٣١، ريډمي ٩ اې او ګليکسي اې ٠١ ورپسې راغلي دي.

د يادولو وړ ده چې د جولاى څخه تر سپتمبر پورې سامسنګ يو ځل بيا د ځيرکو موبايلونو لومړى مقام لرونکى شرکت شو، چې له دې مخکې دا وياړ د اپريل څخه تر جون مياشتې پورې هواوې ترلاسه کړى و.

هواوې په لومړي ځل دا وياړ ترلاسه کړى و، چې د کورونا له امله په نوره نړۍ کې خلک په کورونو کې بند پاتې و، خو په چين کې د موبايلونو پلور زيات شوى و.

Loading...

دا هم ولولئ

ډرابو

داسې روباټ چې ماشومانو ته انځورګري ورزده کوي

په ټوله نړۍ کې ماشومان د ټېبليټ او ځيرک موبايلونو شوقيان شوي دي، چې اوس …