کورپاڼه / خبرونه / د ويسټ انډيز لوبډله په جنورۍ کې بنګله دېش ته سفر کوي
ويسټ انډيز

د ويسټ انډيز لوبډله په جنورۍ کې بنګله دېش ته سفر کوي

د ويسټ انډيز کرکټ بورډ د بنګله دېش کرکټ بورډ ته هيله ورکړې ده، چې د راتلونکي ٢٠٢١ کال د جنورۍ په مياشت کې به بنګله دېش ته د دوى لوبډله سفر وکړي او هلته به د ټېسټ، يو ورځنيو او شل اوريزو لوبو لوبلړۍ ترسره کړي.

د اي ايس پي اين کريک انفو وېبپاڼه په يو راپور کې وايي، چې د ويسټ انډيز کرکټ بورډ مشر ريکي سکيرټ د بنګله دېش کرکټ بورډ ته ويلي دي، چې دوى به د ٢٠٢١ کال په جنورۍ مياشت کې د دوى هېواد ته سفر وکړي.

د اى سي سي د پروګرام له مخې، ويسټ انډيز او بنګله دېش د ٢٠٢١ کال په جنورۍ مياشت کې ٣ ټېسټ، ٣ نړيوالې يو ورځنۍ او ٢ نړيوالې شل اوريزې لوبې ترسره کوي.

د بنګله دېش لوبډلې د مارچ مياشتې راوروسته تراوسه پورې کومه نړيواله لوبه نه ده ترسره کړې.

د ويسټ انډيز کرکټ بورډ رييس وايي، چې د کورونا له امله حالات ښه نه دي او دوى په دې باندې هم فکر کوي، چې د ٣ ټېسټ لوبلړۍ ٢ ټېسټ ته راکمه کړي، خو په دې اړه تراوسه وروستۍ پرېکړه نه ده شوې.

نوموړي د بنګله دېش له يوې رسنيو سره په خپلو خبرو کې ويلي دي، چې موږ د بنګله دېش سره خپلو ښو اړيکو ته احترام لرو او د دوى سره چې زموږ کومې لوبلړۍ ترسره کېږي، دوى به د هغې د ترسره کولو لپاره هڅې وکړي، خو کورونا کرکټ ته زيان رسولى دى او د پخوا په پرتله اوس د کرکټ مصارف هم زيات شوي دي.

هغه همدا راز وايي، چې دوى به خپله تر ټولو غوره لوبډله برابره او د جنورۍ په مياشت کې بنګله دېش ته ولېږي. نوموړى وايي، چې د بنګله دېش سفر د دوى لپاره له چېنلج ځکه ډک دى، چې د هغه ځاى کنډيشن د دوى له کنډيشن سره ډېر توپير لري.

بل لوري ته د بنګله دېش کرکټ بورډ اجراييوي رييس نظام الدين چودري هم په يوه خبري ناسته کې ويلي دي، چې ويسټ انډيز له دوى غوښتنه کړې ده، چې د کورونا او کرنټين په دې حالت کې دې د ټېسټ لوبلړۍ يوه لوبه راکمه کړي، خو هغه وايي چې تراوسه پورې دوى په دې اړه وروستۍ پرېکړه نه ده کړې.

Loading...

دا هم ولولئ

پاکستانی کرکټر حسن علي وايي، مېرمن يې حامله ده او ژر به ۳ شي

د پاکستان کرکټ ملي لوبډلې چټک توپ اچونکی حسن علي وايي چې مېرمن يې حامله …