کورپاڼه / بېلا بېل / د ٦ ميليونه يورو د نړۍ تر ټولو ګرانبيه لاسي بېګ څه ځانګړتيا او هدف لري؟
لاسي بېګ

د ٦ ميليونه يورو د نړۍ تر ټولو ګرانبيه لاسي بېګ څه ځانګړتيا او هدف لري؟

په ايټاليه کې د لاسي بېګونو جوړونکي يو شرکت يو داسې ګرانبيه لاسي بېګ جوړ کړى دى، چې بيه يې ٦ ميليونه يورو ده.

د نړيوالو رسنيو د راپورونو په وېنا، د ايټاليې دا شرکت يا برانډ بوريني ميلانيز نومېږي او د نړۍ تر ټولو ګرانبيه لاسي بېګ يې جوړ کړى دى، په دې لاسي بېګ کې الماس او طلا کارول شوې ده او دا يوازې ٣ بېګونه جوړ شوي دي، چې د يو بېګ په جوړولو باندې ١٠٠٠ ساعته وخت مصرف شوى دى.

د بوريني ميلانيز برانډ د دې لاسي بېګ ويډيو په انسټاګرام کې خپره کړې ده او د دې لاسي بېګ د جوړولو هدف يې هم له خلکو سره شريک کړى دى.

 

View this post on Instagram

 

A post shared by BOARINI MILANESI (@boarinimilanesi)


دوى ليکلي دي، چې د نړۍ دا ګرانبيه لاسي بېګ يې له دې امله جوړ کړى دى، چې د خلکو پام د سمندرونو د ساتنې په لور راواړوي، چې اوسمهال د کثافت له امله له خطر سره مخ دي.

د بوريني ميلانيز مسوولين وايي، چې له دې لاسي بېګونو څخه چې دوى څومره پېسې وګټي، يوه برخه به يې د سمندرونو د پاکولو لپاره ورکړل شي.

د نړۍ دا ګرانبيه لاسي بېګ د تمساح له پوستکي څخه جوړ شوى دى چې رنګ يې هم د سمندر اوبو ته ورته دى. د دې پټۍ له الماسو څخه جوړه شوې ده، او کومې پروانې چې پرې جوړې شوې دي، په هغې کې هم الماس او ګرانبيه کاڼي لګول شوي دي.

د نړۍ دا ګرانبيه لاسي بېګ ٦ ميليونه يورو بيه لري.

د يادولو وړ ده چې په ټوله نړۍ کې سمندرونه د کثافت په ځايونو بدلېږي او د ملګرو ملتونو د يو راپور په وېنا، تر ٢٠٥٠ کال پورې به په سمندرونو کې د ماهيانو او نورو سمندري ژوندي موجوداتو څخه پلاستيکونه ډېر وي.

دا هم ولولئ

ګازي بخارۍ که ګټې لري نو زیانونه یې هم شته دی؛ احتیاطي تدابیر یې څه دي؟

په سړه هوا کې د کور ګرم ساتلو لپاره په هر کور کې ګازي بخارۍ …