کورپاڼه / روغتيا / د بادامو شيدې جوړول او حېرانوونکې روغتيايي ګټې یې
د بادامو شېدې

د بادامو شيدې جوړول او حېرانوونکې روغتيايي ګټې یې

د بادامو شېدې د غذایې توکو، خوند او د ښه بوی په سبب په ټوله نړۍ کې په زیاته اندازه استعمالېږي. د Bold sky ویب سایټ پر وینا ویل کېږي، چې د بادامو شېدې د انسان پر روغتیا ډېرې ښې اغېزې پرېباسي، چې د ښه خوند ترڅنګ ښکلې غذا هم ګڼل کېږي. د بادامو شېدې له ټولو هغه توکو څخه مشهور ګڼل کېږي، چې له بادامو څخه تیارېږي.

د بادامو شېدې او د جوړولو طریقه یې:

  • د شپې لخوا دوه پیالې بادام په اوبو کې واچوئ

  • بیا یې سهار له اوبو څخه بېل او چاڼ کړئ. – وروسته له بادامو پوستکی لېرې کړئ او ښه یې میده کړئ.

  • بیا په میده شوو بادامو کې اوبه واچوئ او تر دوو دقیقو یې ګډ کړئ.

  • تیارې شوې شېدې له څلورو څخه تر پنځو ورځو پورې په یخچال کې کېږدئ.

څېړونکي وایي، چې د بادامو شېدې د هغه کسانو لپاره یو ښه بدیل دی، چې د غواګانو شېدې نه استعمالوي. دغه راز د هغه کسانو لپاره هم ګټور تمامېږي چې د سبو د خوړلو عادت لري. ویل کېږي، چې د بادامو شېدې په ډېره اندازه ویټامینونه او معدني مواد لري، چې عبارت دي له ویټامین ایي، رایبو فلاوین، ویټامین ډي، مس، زنک، کلسیم، میګنیزیم او فاسفورسو څخه.

د بادامو د شېدو ګټې:

۱- وزن کموي:

ویل کېږي چې د بادامو په شېدو کې د تودوخې درجه کمه او د شکر اندازه یې ښکته ده، چې په همدې سبب نه پرېږدي، چې د بدن وزن ډېر شي.

۲- په وینه کې د شکر اندازه برابروي:

د بادامو شېدې نه پرېږدي چې په وینه کې د شکر اندازه ډېره شي. دغه راز د شکر ناروغانو ته مناسبې شېدې ګڼل کېږي، چې د کاربوهایډریټ لرونکي دي او کاربوهایډریټ د وینې شکر برابر ساتي.

۳- هډوکي ځواکمنوي:

د بادامو په شېدو کې ویټامین ډي او کلسیم شتون لري، چې د هډوکو د ځواکمنولو سبب ګرځي.

۴- د زړه ساتنه کوي:

ویل کېږي، چې د بادامو په شېدو کې په مناسبه اندازه غوړ شتون لري، د مثال په توګه مونوسریټوریټ فیټي اسید او پولي ساسټریټ فیټي اسد چې د زړه لپاره ګټور تمامېږي.

۵- د رګونو ساتنه کوي:

ویل کېږي چې د بادامو شېدې د ویټامین ای ښه وسیله ده، چې د بدن حجرې له زیان څخه ژغوري. دغه راز سوخت هم ختموي.

۶- ذهني فشار کموي:

وایې چې د بادامو په شېدو کې موجود ویټامین ای د الزایمر ناروغۍ او د ذهني فشار لپاره ګټور تمامېږي.

Loading...

دا هم ولولئ

کدو

د کدو د جوسو د استعمال پنځه حیرانوونکې ګټې

د شین رنګه سبزیجاتو له جملې څخه یو هم کدو دی، چې په طبیعي ډول …