کورپاڼه / هنر او کلتور / د هندي فلمونو مشهور هنرمند ورون دهون په کورونا ويروس اخته شوى
ورون دهون

د هندي فلمونو مشهور هنرمند ورون دهون په کورونا ويروس اخته شوى

د هندي فلمونو ځوان او مشهور هنرمند ورون دهون په کورونا ويروس اخته شوى دى، چې نوموړي يې په ټولنيزو رسنيو کې په اړه هم خبر ورکړى.

د انسټاګرام په مشهور اپليکېشن کې ورون دهون يو عکس خپور کړى دى او له هغې سره يې خپل د کورونا ټېسټ د مثبت راتلو خبره هم کړې ده.

نوموړي ليکلي دي، چې د کورونا ويروس په دې وخت کې مې بېرته کارونه پيل کړل، نو زه هم په کورونا ويروس اخته شوم.

 

View this post on Instagram

 

A post shared by VarunDhawan (@varundvn)


نوموړي د خپل نوي فلم (جګ جګ جيو) د ثبت په اړه وويل، چې فلم جوړونکو د کورونا د مخنيوي لپاره ټول احتياطي تدابير خپل کړي و، خو بيا هم په ژوند کې هر څه راپېښېدونکي دي.

ورون دهون د خپلې ناروغۍ تر څنګ مينه والو ته دا مشوره هم ورکړه، چې ډېر زيات احتياط دې وکړي.

هغه همدا راز د خپلو مينه والو مننه هم وکړه چې د هغه د روغتيا لپاره يې دعاوې او نېکې هيلې څرګندې کړې دي.

د يادولو وړ ده چې ٣٣ کلن هنرمند ورون دهون د هندي فلمونو د مشهور فلم جوړونکي ډيويډ دهون زوى دى، نوموړي په ٢٠١٢ کال کې د (سټوډنټ اف دي اير) فلم څخه کار پيل کړى و.

هغه تراوسه پورې په يو شمېر فلمونو کې کار کړى دى چې ډېر فلمونه يې کامياب شوي دي. د نوموړى يو بل فلم د (کولي نمبر ١) په نوم دى، چې ساره علي خان هم پکې کار کړى دى او دا فلم به يې د دسمبر په مياشت کې په انلاين بڼه خپور شي.

د دې تر څنګ نوموړي د (جګ جګ جيو) فلم لپاره ثبت ترسره کاوه، چې د ورون دهون او نيتو کپور د کورونا ټېسټونه مثبت راغلل او د فلم ثبت په نيمه کې پاتې شو.

دا هم ولولئ

شاه رخ خان په دې ډول حالاتو له وړاندې اندیښنه ښودلې وه

د هندي سینما یا بالیووډ بې تاجه پاچا شاه رخ خان په دې ورځو کې …