کورپاڼه / روغتيا / د زیتونو د تېلو بې شمېره ګټې
د زیتونو تېل

د زیتونو د تېلو بې شمېره ګټې

زیتون او د زیتونو تېل یو له هغه غذایي توکو څخه شمېرل کېږي، چې پخپل جوړښت کې بې شمېره ګټې لري او په زیاته اندازه د میکرونیوټریشن، فیټي اسید او ویټامیونه شتون یې د روغتیا لپاره غوره ګرځولي دي

په نهاره د زیتونو د تېلو کارول او ګټې:

ویل کېږي چې په نهاره یوه کاچوغه د زیتونو د تېلو څښل د هغه حجرو ساتنه کوي، چې د سرطان سبب کېږي. دغه راز د کولمې سیستم ښه کوي او د قبض په مخنیوي هم مرستندویه تمامېږي.

د پوستکي، نوکانو او د ویښتانو د ښکلا لپاره:

ویل کېږي چې په نهاره د زیتونو د تېلو استعمال د پوستکي په ښکلي کولو کې اغېزمن تمامېږي او د نوکانو او ویښتانو لپاره ګټور ګڼل کېږي. دغه راز د پوستکي په جوړولو، نرمولو، د نمۍ په ورکولو او د ویښتانو په وده کې مرستندویه ګڼل کېږي.

دفاعي سیستم ځواکمنوي:

ویل کېږي چې د زیتونو د تېلو په جوړښت کې موجود فیټي اسید د دفاعي سیستم په ځواکمنولو کې مهم رول لري. دغه راز د ناروغیو په وړاندې د طبیعي مزاحمت په ډېرېدو کې هم ګټور تمامېږي.

د پړسوب او سوخت لپاره:

ویل کېږي چې د زیتونو تېل د پړسوب او سوخت لپاره ګټور وي. د یوې څېړنې له مخې ویل کېږي، چې له دریو څخه تر څلورو کاچوغو د زیتونو تېل په هغه اندازه اغېزمن تمامېږي، لکه څومره چې د درد لپاره کارېدونکي درمل اغېزمن وي او ښه خبره یې دا چې جانبي عوارض هم نه لري.

د دماغي روغتیا لپاره:

ویل کېږي چې د زیتونو تېل د دماغي روغتیا لپاره ګټور وي. دماغ چې په ډېره کچه اکسیجن ته اړتیا لري او کمښت یې پر روغتیا ناوړه اغېزې لري، نو ددې لپاره د زیتون د تېلو استعمال ګټور تمامېږي. دغه راز د حافظې په ښه کولو او د ژور خپګان په کمولو کې هم مرستندویه تمامېږي.

د شکر لپاره:

ویل کېږي چې د زیتونو د تېلو په استعمال سره د شکر، کلیسټرولو او د ګلوکوزو سطحه ټیټېږي. یعنې ددې مطلب دادی چې په ذکر شوو ناروغیو کې ګټور تمامېږي.

دا هم ولولئ

آیا غواړئ چې وینه مو پاکه او روغتیا مو ښه وي؟ دغه خوراکي توکی وکاروئ

ګوړه، د خوږو توکو له جملې څخه ګڼل کېږي او ګنیو څخه لاسته راځي او …