کورپاڼه / د لوبو راپورونه / د سمیع الله شینواري زبردسته توپوهنه، لوبډله يې بریالۍ کړه او غوره لوبغاړی شو
سميع الله شينوارى

د سمیع الله شینواري زبردسته توپوهنه، لوبډله يې بریالۍ کړه او غوره لوبغاړی شو

سمیع الله شینواري نن زبردسته او چټکه توپوهنه ترسره کړه چې ډمبوله وایکینګ ته يې بریا ورپه برخه کړه او د لوبې د غوره لوبغاړي جایزه يې هم ترلاسه کړه.

د سریلانکا تجارتي لیګ یا لنکا پریمئیر لیګ ۱۷مه لوبه نن د ګال ګلیډیټرز او ډمبوله وایکینګ لوبډلو ترمنځ ترسره شوه.

د لوبې په پیل کې ډمبوله وایکینګ پچه وګټله او لومړی يې د ګال ګلیډیټرز لوبډلې ته د توپوهنې بلنه ورکړه.

ګال ګلیډیټرز په ټاکلو ۲۰ اورونو کې د ۷ لوبغاړو په سوځېدو ۱۶۸ منډې وکړې، چې له ډلې يې ګونتالیکا ۴۶، جی سوریا ۳۹ او راجا پکسا ۳۱ منډې وکړې.

د ډمبوله وایکینګ له لوري شناکا، مینډس او راجیټا ۲-۲ لوبغاړي وسوځول.

د ۱۶۹ منډو هدف د ډمبوله وایکینګ لوبډلې په ټاکلو ۲۰ اورونو کې د ۶ لوبغاړو په سوځېدو پوره کړ او د ۴ ویکټو په توپیر يې بریا خپله کړه.

سمیع الله شینواري په وروستیو کې چټکه توپوهنه ترسره کړه چې د ۲ شپږیزو او ۶ څلوریزو په مټ يې په ۲۰ توپونو ۴۶ ناسوځېدلې منډې وکړې، همدا راز انجیلو پریرا ۴۵ او نیروشان ډیکویلا ۳۸ منډې وکړې.

د ګال ګلیډیټرز له لوري لکشن ۲، سنداکان، جی سوریا او محمد عامر ۱-۱ ویکټ واخیستې.

د لوبې د غوره لوبغاړي جایزه سمیع الله شینواري ته ورکړل شوه.

د یادولو وړ ده چې د ګال ګلیډیټرز د ننۍ ماتې سره پلی اف پړاو ته د تګ چانسونه راکم شو، که چېرته کنډي ټسکرز ته يې په ستر رن رېټ ماتې ورکړه، نو د مخکې تګ چانس يې شته، ګني مخکې تګ يې ګران دی.

Loading...

دا هم ولولئ

ارون فنچ

اسټراليا پرلپسې دويمه لوبه کې هم نيوزيلېنډ مات کړ

اسټراليا په دويمه نړيواله شل اوريزه لوبه کې د ښې توپ اچونې په مټ نيوزيلېنډ …