کورپاڼه / د لوبو راپورونه / جافنا سټالينز لوبډلې پايلوبې ته لار پېدا کړه، چې په پايلوبه کې به د ګال ګليډيټرز سره مخ شي
جوهانسن چارلس

جافنا سټالينز لوبډلې پايلوبې ته لار پېدا کړه، چې په پايلوبه کې به د ګال ګليډيټرز سره مخ شي

د جافنا سټالينز لوبډلې نن په نيمه پايلوبه کې د ډمبوله وايکينګ لوبډلې ته د ٣٧ منډو په توپير ماتې ورکړه او پايلوبې ته يې لار پېدا کړه، چې په پايلوبه کې به د ګال ګليډيټرز لوبډلې سره مخ شي.

د سريلانکا تجارتي ليګ يا لنکا پريمئير ليګ دويمه نيمه پايلوبه د جافنا سټالينز او ډمبوله وايکينګ لوبډلو ترمنځ ترسره شوه. د لوبې په پيل کې ډمبوله وايکينګ پچه وګټله او لومړى يې د جافنا سټالينز لوبډلې ته د توپوهنې بلنه ورکړه.

جافنا سټالينز په ټاکلو ٢٠ اورونو کې د ٩ لوبغاړو په سوځېدو ١٦٥ منډې وکړې، چې له ډلې يې جوهانسن چارلس ٧٦، اويشکا فرنانډو ٣٩ او ونيندو هسارنګا ١٤ منډې وکړې.

د ډمبوله وايکينګ له لوري مليندا پشپا کمار ٢، لاهيرو کمارا، انور علي او راميش مينډس ١-١ ويکټ واخيستې.

د ١٦٦ منډو هدف په تعقيب کې د ډمبوله وايکينګ ټوله لوبډله په ١٩.١ اورونو کې د ١٢٨ منډو په جوړولو وسوځېده او د ٣٧ منډو په توپير يې په دويمه نيمه پايلوبه کې ماتې وخوړه.

د دوى له لوري اوپل تهارانګا ٣٣، نيروشان ډيکيولا ٢٩ او راميش مينډس ٢٦ منډې وکړې. همدا راز سميع الله شينواري هم په ٤ توپونو ٤ منډې ترلاسه کړې.

د جافنا سټالينز له لوري ونيندو هسارنګا ٣، دننجايا ډي سلوا، سورانګا لکمل، چاريټ اسالنکا، دياني اوليوير او چتورانګا ډي سلوا ١-١ ويکټ واخيستې.

د لوبې د غوره لوبغاړي جايزه جوهانسن چارلس ته ورکړل شوه.

د يادولو وړ ده چې په لومړۍ نيمه پايلوبه کې د ګال ګليډيټرز لوبډلې د کولمبو کنګز لوبډلې ته ماتې ورکړې وه او پايلوبې ته يې لار پېدا کړې وه.

د لنکا پريمئير ليګ پايلوبه به د ګال ګليډيټرز او جافنا سټالينز لوبډلو ترمنځ د دسمبر په ١٦مه نېټه ترسره شي.

Loading...

دا هم ولولئ

رحمان الله ګربز ١

افغانستان په لومړۍ لوبه کې ايرلېنډ مات کړ

افغان توپوهونکو او توپ اچونکو په لومړۍ لوبه کې ښه لوبه نندارې ته وړاندې کړه …