کورپاڼه / خبرونه / سهواګ او ګمبير: ٤٩ کاله مخکې ٩٢ زره پاکستاني پوځيان هند ته تسليم شوي و
وريندر سهواګ او ګوتم ګمبير

سهواګ او ګمبير: ٤٩ کاله مخکې ٩٢ زره پاکستاني پوځيان هند ته تسليم شوي و

له پاکستان څخه د بنګاليانو د ازادۍ پر مهال په ١٩٧١ کال کې په همدې ورځ (د دسمبر ١٦مه نېټه) ٩٢ زره پاکستاني پوځيان هند ته تسليم شوي و، چې د نورو خلکو تر څنګ دا ورځ د هند کرکټ ملي لوبډلې مشهور پخواني لوبغاړي هم لمانځي.

هند دې ورځې ته د Vijay Diwas نوم ورکړى دى او هر کال يې د خپلې بريا په توګه لمانځي.

په دې لړ کې د هند کرکټ ملي لوبډلې پخواني توپوهونکي وريندر سهواګ يو ټويټ کړى دى او د تسليمۍ د هغه تړون عکس يې هم خپور کړى دى، چې د ٩٢ زرو پاکستاني پوځيانو مشر يې لاسليک کوي.

وريندر سهواګ ليکلي دي، چې له نن څخه ٤٩ کاله مخکې د پاکستان ٩٢ زره پوځيان هند ته تسليم شو. زموږ ماشومانو ته زموږ د پوځ دا اهميت بايد ورزده کړل شي.


د هند کرکټ ملي لوبډلې يو بل پخواني توپوهونکي او په هند کې د پارلمان غړي ګوتم ګمبير هم په دې اړه پوسټ کړى دى او ليکلي يې دي، چې د هند پوځيانو ته د دښمن د تسليمۍ ٤٩ کلونه پوره شو.


د يادولو وړ ده چې هغه مهال د پاکستان د ايسټرن کمانډ مشر جنرال عبدالله خان نيازي و، او د بنګله دېش او هند د پوځ جنرال بيا جګجيت سينګ اروړا و، چې د پاکستان پوځ يې دې ته مجبوره کړ، چې ٩٢ زره پوځيان خپلې وسلې په ځمکه کېږدي او تسليم شو. دا د نړۍ په تاريخ کې لومړى ځل دى، چې په دومره ستره کچه باندې د يو هېواد پوځيان د بل هېواد پوځ ته تسليمېږي، په داسې حال کې چې وسله هم لري، خو جنګ نه کوي.

د هند حکومت هر کال دا ورځ د خپلې بريا په ډول په لويه کچه لمانځي.

دا هم ولولئ

اشرف غني او محمد نبي

اشرف غني له کپتان محمد نبي سره په ټیلیفون خبرې وکړې

د افغانستان مخکیني ولسمشر محمد اشرف غني د افغانستان کرکټ ملي لوبډلې له بریا وروسته …