کورپاڼه / خپلواک / هلمندۍ مېرمنې د کرکټ په اړه کتاب لیکلی

هلمندۍ مېرمنې د کرکټ په اړه کتاب لیکلی

خپلواک وېبپاڼه (۱۵ اکتوبر ۲۰۱۹): په هلمند ولایت کې یوې مېرمنې د کرکټ د زده کړې په اړه کتاب لیکلی دی.

دغه مېرمن چې عایشه عمري نومېږي، وايي وايي دغه کتاب يې په دوه ژبو لیکلی او ۸ میاشتو کې يې بشپړ کړی دی.

عایشه عمري په خپلو خبرو کې وايي، چې دغه کتاب ته يې د (بېټ او بال) نوم ورکړی دی او د دې په لوستو سره به لوستونکي د کرکټ د لوبې په اړه په ډېر څه پوه شي.

دغه هلمندۍ مېرمن وايي، چې دغه کتاب د قوي ماخوذونو څخه لیکلی، خو په وینا يې چې د چاپ لپاره يې پېسې نه لري.

عایشې عمري د افغانستان کرکټ بورډ او نورو سوداګرو څخه غوښتنه کړې ده، چې د دغه کتاب په چاپ کې دې ورسره مرسته وکړي.

عايشه عمري وايي د ورزش د نورو برخو لپاره يې هم د کتابونو د ليکلو لپاره هڅې پيل کړي دي.

د یادولو ده چې په وروستۍ لسیزه کې په افغانستان کې کرکټ ډېره وده وکړه او زیات مینه وال يې پېدا کړل، ځکه په دغه کلونو کې د افغانستان ملي لوبډلې هم نه هېرېدونکې کارنامې ترسره او د کرکټ نړیوالې شورا بشپړ غړیتوب يې ترلاسه کړ.

همدا راز په دې موده کې د کرکټ د زده کړې، معلوماتو او تاریخ په تړاو بېلا بېل کتابونه هم ولیکل شو، چې ځینې يې خلکو خورا خوښ کړل.

Loading...

دا هم ولولئ

اصغر افغان، فرهان يوسفزى او ګلبدين نايب

افغانستان کرکټ کې بې حسابه پېسې، شهرت او سفرونه دي چې هر څوک يې غواړي

په کرکټ کې او په خاص ډول د افغانستان کرکټ کې درې شيان زيات دي، …