کورپاڼه / خبرونه / شاپور ځدراڼ: کرکټ بورډ مې مجبوروي چې له ملي ټلويزيون سره تړون وکړم
فرهان يوسفزى او شاپور ځدراڼ

شاپور ځدراڼ: کرکټ بورډ مې مجبوروي چې له ملي ټلويزيون سره تړون وکړم

د افغانستان کرکټ ملي لوبډلې چټک توپ اچونکى او د ميليون جام ليګ مشر شاپور ځدراڼ وايي، چې کرکټ بورډ يې دې ته مجبوروي، چې له ملي ټلويزيون سره دې تړون وکړي، نو د ميليون جام ليګ د ترسره کولو اجازه به هم ورکړي.

د ميليون جام ليګ چې سږکال د شاپور ځدراڼ په مشرۍ په لويه کچه په خوست ولايت کې ترسره کېده، د کرکټ بورډ عمومي رييس فرهان يوسفزي يې مخه ونيوله او تراوسه پورې ځنډېدلى دى.

د ميليون جام ليګ د ترسره کېدو نه مخکې شاپور ځدراڼ د دې ليګ د خپراوي لپاره د موبي ګروپ سره تړون کړى و.

د کرکټ بورډ د رسنيو پخوانى منيجر او ورزشي خبريال ابراهيم مومند د شاپور ځدراڼ له قوله ليکلي دي، چې کرکټ بورډ يې د طلوع پر ځاى ملي ټلويزيون سره د تړون لپاره مجبوروي.

شاپور ځدراڼ

هغه ليکي: ((کرکټ بورډ مې اړ باسي چې د طلوع ټلويزيون په ځاى له ملي ټلويزيون سره تړون وکړم، تر څو د ميليون جام اجازه راکړي، خو زه د موبي ګروپ لس کلن تړون ته ژمن يم.))

د يادولو وړ ده چې د شپږيزې کرکټ ليګ څخه وروسته ميليون جام ليګ ترسره کېده، چې د شاپور ځدراڼ په وينا، د لوبغاړو په ګډون سلګونه کسانو ته پکې د کار زمينه برابرېده.

د کرکټ بورډ عمومي رييس فرهان يوسفزي د دې ليګ مخه ونيوله، چې وروسته په خوست، کابل، کونړ او ځينو نورو ولايتونو کې د فرهان يوسفزي پر ضد احتجاجونه هم ترسره شو، خو د ميليون جام ليګ د ترسره کېدو په اړه تراوسه هېڅ هم نه دي ويل شوي.

د يادولو وړ ده چې ځينې سرچينې دا هم وايي، چې کرکټ بورډ د شاپور ځدراڼ سره کلنى قرارداد ختم کړى دى او د هغه د درې مياشتو معاش يې هم نه دى ورکړى. همدا راز د راتلونکي تمريناتي کمپ کې هم د هغه نوم نشته او د افغانستان غوره ليګ په راتلونکي پړاو ډرافټ کې هم د شاپور ځدراڼ نوم نه دى شامل شوى.

Loading...

دا هم ولولئ

محمد نبي

د کورونا زياتېدونکو پېښه له امله د پاکستان سوپر ليګ وځنډول شو

د پاکستان سوپر ليګ شپږم پړاو د کورونا زياتېدونکو پېښو له امله وځنډول شو، چې …