کرکټ د تباهۍ پر لور؛ د فرهان يوسفزي کارنامې

د کرکټ بورډ عمومي رييس فرهان يوسفزى، چې شاوخوا څه کم دوه کاله يې کېږي، د کرکټ بورډ عمومي رييس ټاکل شوى، کرکټ ورځ تر بلې د تباهۍ پر لور روان دى.

د فرهان يوسفزي کرکټ بورډ ته د عمومي رييس په توګه له راتګ وروسته هغه کارونه چې د نوموړي په وخت کې ترسره شوي دي، موږ راغونډ کړي او تاسې سره يې په لاندې ليسټ کې ټول خپروو.

فرهان يوسفزى د کرکټ سره هېڅ بلدتيا نه لري.
د افغانستان په رسمي ژبو کې څوک په خبره نه شي پوهولى.
په خپل شخصي کاروبار کې مصروفه وي او کرکټ بورډ ته ډېر نه ځي.
په اداره کې يې تر ٧٠ زيات خپل کسان پيراشوټي ګمارلي.
په کرکټ بورډ کې تخنيکي کسان يا خو په يوه او بله بهانه وويستل شو، يا دندې پرېښودو ته مجبوره شو او يا يو طرف ته شو.
نوى اجراييوي رييس هېڅ واک نه لري.
د ادارې ټولې چارې يې خپلو درې څلورو کسانو ته سپارلي.
پخواني سلاکار او مرستيال يې د کرکټ بورډ په مرسته امريکا ته ځان او کورنۍ ورسوله.
د افغانستان ملي لوبډله د ټېسټ لوبډلو درجه بندۍ څخه بهر شوه.
د نړيوالو شل اوريزو لوبو درجه بندۍ کې د افغانستان لوبډله له ٧م مقام څخه ٩م مقام ته لاړه.
په ٢٠٢٠ کال کې د ايرلېنډ سره د ٣ لوبو پرته افغانستان هېڅ نړيواله لوبه ترسره نه کړه.
په ٢٠١٨ کال کې د اى سي سي له لوري افغانستان ته ورکړل شوې لوبې هم له نامعلوم برخليک سره مخ دي.
اسټراليا يوازينۍ ټېسټ لوبه وځنډوله او د هند سره په راتلونکي کال مارچ مياشت کې سيالۍ هم ځنډېدلي دي.
د ميليون جام ليګ چې په لويه کچه ترسره کېدونکى و، مخه يې ونيول شوه.
د افغانستان غوره ليګ چې د ترسره کېدو اعلانونه خو يې کېږي، خو په اړه يې هېڅ پرمختګ نه ليدل کېږي.
کرکټ بورډ ته له راتګ سره سم يې مافيايي لوبغاړو ته بېرته هر څه وروسپارل.
له رسنيو څخه تل عادي معلومات هم پټ ساتل کېږي.
تراوسه پورې له هېڅ يوې نړيوالې لوبډلې سره يې سيالۍ برابرې نه کړاى شوې.
تراوسه پورې د افغانستان ملي لوبډلې مېن سپانسر پېدا نه کړ.
د کرکټ د پرمختګ او ودې لپاره تراوسه پورې هېڅ پلان نه ليدل کېږي.