کورپاڼه / روغتيا / ولې د غرمې پرمهال د خوب کول اړین وي؟
خوب

ولې د غرمې پرمهال د خوب کول اړین وي؟

روغتیایي کارپوهان وایي چې د وینې د فشار د کمولو لپاره باید هره ورځ د غرمې پرمهال خوب وکړو. دوی وایي چې د غرمې پرمهال په لږه اندازه خوب کول د وینې فشار عادي حالت ته راوستلی شي او په همدې توګه د زړه د حملې خطر کمولی شي.

د رسنیو د راپورونو له مخې ویل کېږي، چې له یوې څېړنې وروسته ثابته شوې ده، چې په ورځني ډول هره غرمه تر یو ساعت یاهم له یو ساعت څخه ډېر خوب د وینې د فشار په کمولو کې له درملو څخه ډېر مرستندویه او ګټور تمامېدلی شي. د یونان هیواد د روغتیایې کارپوهانو لخوا د ترسره شوې څېړنې له مخې ویل شوي دي، د غرمې پرمهال په لږه اندازه خوب د وینې فشار کموي، چې بیا یې په سبب د درملو کارولو ته هم ډېره اړتیا نه لېدل کېږي.

روغتیایي کارپوهان زیاتوي، چې د غرمې پرمهال د خوب کولو عادت د وینې د فشار خطر څلور سلنه راکموي. څېړونکي وایي، که څه هم دغه اندازه دومره ډېره نه ښکاري، خو د وینې په فشار کې په لږه کچه کمښت هم د زړه د حملې او د فلج په څېر د خطرناکو ناروغیو په خطر کې لس سلنه کموالی رامنځه کولی شي.

دغه راز د څېړنې له مخې دا هم ویل شوي دي، هغه کسان چې د غرمې پر خوب عادت وي، د وینې د لوړ فشار په پایله کې د وینې د شیریانونو او د زړه له زیانونو سره کم مخ کېږي. څېړنه زیاتوي، چې د غرمې سره سره د شپې پرمهال مناسب خوب هم د روغتیا له پلوه ډېر ګټور تمامېږي.

بله خوا د یوې څېړنې له مخې ویل کېږي، چې د غرمې پرمهال لږ خوب د ذهني وړتیاوو د ډېرېدو سبب کېږي او د ژور خپګان یاهم د ډیېریشن په مخنیوي کې ګټور تمامېږي. دغه راز ترټولو مهمه خبره یې دا چې دغه ډول خوب ته په عربي کې قیلوله وایې، چې یو سنت عمل هم دی.

Loading...

دا هم ولولئ

آلوبخاره ویښتان له توییدو او له وخته مخکې له سپینېدو څخه ژغوري

آلوبخاره د خپل خوند په سبب په خوراکي توکو یاهم مېوو کې د ډېرو خلکو …