کورپاڼه / خبرونه / شعېب اختر: توبه توبه، دا توپ اچونه ده، د پاکستان په تاريخ کې داسې کمزورې توپ اچونه نه ده شوې
شعېب اختر

شعېب اختر: توبه توبه، دا توپ اچونه ده، د پاکستان په تاريخ کې داسې کمزورې توپ اچونه نه ده شوې

د پاکستان کرکټ ملي لوبډلې پخواني چټک توپ اچونکي يو ځل بيا په پاکستاني توپ اچونکو سختې نيوکې کړې دي او وايي، چې دوى چې په دې ټېسټ لوبه کې څه ډول توپ اچونه کړې ده، د پاکستان په تاريخ کې داسې کمزورې توپ اچونه نه ده ترسره شوې.

د پاکستان او نيوزيلېنډ ترمنځ دويمه ټېسټ لوبه د جنورۍ په ٣مه نېټه پيل شوې ده، چې پاکستان لومړى ٢٩٧ منډې وکړې او په ځواب کې يې نيوزيلېنډ د ٦ لوبغاړو په سوځېدو ٦٥٩ منډې وکړې او خپله پاڼۍ يې ختمه کړه.

شعېب اختر د پاکستان د توپ اچونې يو سکرين شاټ په خپله ټويټرپاڼه کې خپور کړى دى، چې پکې د ټولو توپ اچونکو د منډو څخه سره کرښه تاوه شوې ده.


شعېب اختر له دې سکرين شاټ سره ليکلي دي: ((توبه توبه… ايا دا ډول توپ اچونه کېږي… د پاکستان کرکټ په تاريخ کې دومره کمزورې توپوهنه نه ده شوې.))

د توپ اچونې په برخه کې شاهين شاه اپريدي ١٠١، محمد عباس ٩٨، نسيم شاه ١٤١، فهيم اشرف ١٠٦ او ظفر ګوهر بيا ١٥٩ منډې ورکړې دي.

خو بل لوري ته بيا په ټويټر کې يو شمېر کسانو په شعېب اختر هم نيوکې کړې دي او هغه ته يې د هغه ځينې لوبې وريادې کړې دي، چې هغه پکې کمزورې توپ اچونه ترسره کړې وه.

دا هم ولولئ

محمد نبي: په نړیوال شل اوریز جام کې به لوبډلمشري یوه ستونزمنه کړنه وي، خو زه ورته لېواله یم

محمد نبي منلې ده چې په نړیوال شل اوریز جام کې به لوبډلمشري یوه ستونزمنه …