کورپاڼه / هنر او کلتور / دپيکا پاډوکون کوم ګرانبيه شيان لري؟
دپيکا پاډوکون

دپيکا پاډوکون کوم ګرانبيه شيان لري؟

د هندي سينما مشهوره هنرمنده دپيکا پاډوکون نن د ٣٥ کلونو شوه، هغې ته نه يوازې دا چې د هندي سينما مشهورو هنرمندانو د کليزې مبارکي ورکړې ده، بلکې د هغې مينه والو هم په ټولنيزو رسنيو کې د کليزې مبارکي ورته ويلې.

دپيکا پاډوکون د هندي سينما له هغه ښځينه هنرمندانو څخه ګڼل کېږي، چې په فلمونو کې د کار کولو په بدل کې ډېرې زياتې پېسې اخلي، همدا راز هغه چې څه لري، هم ډېر ګرانبيه دي.

ګرانبيه موټر

د دپيکا پاډوکون موټر

د هندي رسنيو د راپورونو په وېنا، دپيکا پاډوکون ايس ٥٠٠ مرسډيز موټر لري، چې د دې موټر بيه ١٩.٤ ميليونه هندي کلدارې ده، همدا راز د ټېکس وغېره ورکولو وروسته د دې بيه ٣٠ ميليونه هندي کلدارو ته رسېږي.

طلا

د دپيکا پاډوکون سره طلا او نور ورته شيان هم ډېر ګرانبيه دي. د هغې يوه ګوتمه چې د کوژدې پر مهال يې په ګوته کړې وه، ٢٠ ميليونه هندي کلدارې بيه لري.

دپيکا پاډوکون ١

همدا راز د لاس يو بنګړى، چې ډېر يې په لاس کوي، ٤٠٠ زره هندي کلدارې بيه لري. د دې تر څنګ هغه د الماسو يو امېل هم لري، چې ګرانبيه دى.

د هندي رسنيو د راپورونو په وېنا، دپيکا پاډوکون په ٢٠١٠ کال کې د ٣٣ پوړونو په يو تعمير کې په ٢٦م پوړ کې يو اپارتمان اخيستى دى، چې ١٦٠ ميليونه هندي کلدارې بيه لري.

ګرانبيه بېګونه

دپيکا پاډوکون ٢

دپيکا پاډوکون چې کوم برانډ بېګونه لري، هغه هم ډېر ګرانبيه دي. د نوموړې سره د هرمس برکن بېګ دى، چې ٨٠٠ زره هندي کلدارې بيه لري، همدا راز د چينل ډيوويل ټوټ يو بېګ هم لري چې ٢٩٠ زره هندي کلدارې بيه يې ده.

Loading...

دا هم ولولئ

اريانا سعيد او جو بايډن

اريانا سعيد: ولسمشره مبارک شه، خو افغانستان او د ښځو حقونه مه هېروه

د امريکا نوي ولسمشر جو بايډن تېره ورځ په کپيټل هل کې د ولسمشر په …