کورپاڼه / تجارتي ليګونه / د پاکستان سوپر ليګ ته ٣٥ افغان لوبغاړو نومليکنه کړې
پاکستان سوپر ليګ

د پاکستان سوپر ليګ ته ٣٥ افغان لوبغاړو نومليکنه کړې

د پاکستان سوپر ليګ (پي ايس ايل) ٦م پړاو لپاره د راشد خان، محمد نبي او مجيب الرحمان په ګډون ٣٥ افغان لوبغاړو هم نومليکنه کړې ده.

د راپورونو په وېنا، د پاکستان سوپر ليګ راتلونکي پړاو لپاره له ٤٠٠ څخه زياتو بهرنيو لوبغاړو نومليکنه کړې ده، چې په دې کې ٣٥ افغان لوبغاړي هم شامل دي.

په دې کې تر ټولو زيات لوبغاړي د ويسټ انډيز او انګلستان دي، چې د دواړو هېوادونو څخه ٧٠-٧٠ لوبغاړو نومليکنه کړې ده، همدا راز ٣٥ افغان لوبغاړو هم ورته خپل نومونه ليکلي دي.

د پاکستان کرکټ بورډ مخکې د پلاټينيم کټګوري لوبغاړو ليسټ او نومونه خپاره کړي و، چې په هغه ليسټ کې د افغانستان راشد خان، محمد نبي او مجيب الرحمان هم شامل و.

خو په نورو لوبغاړو کې کوم افغان لوبغاړي شامل دي، دا ليسټ تراوسه پورې د پاکستان کرکټ بورډ نه دى خپور کړى.

د پاکستان سوپر ليګ راتلونکي پړاو سياليو لپاره د جنورۍ په ١٠مه نېټه د پاکستان په لاهور ښار کې د ډرافټ مراسم ترسره کېږي، چې ٦ لوبډلې به پکې د خپلې خوښې لوبغاړي واخلي.

د يادولو وړ ده چې د پاکستان سوپر ليګ تېر پړاو ته هم ډېر شمېر افغان لوبغاړو نومليکنه کړې وه، خو د ډرافټ په مراسمو کې هېڅ لوبډلې کوم افغان لوبغاړى نه و پېرلى.

Loading...

دا هم ولولئ

انشا اپريدۍ او شاهين شاه اپريدى

د شاهد اپريدي د لور د شاهين اپريدي سره کوژده، د شاهد اپريدي د کورنۍ غبرګون ښکاره شو

د پاکستان کرکټ ملي لوبډلې چټک توپ اچونکي شاهين شاه اپريدي لپاره يې کورنۍ د …