کورپاڼه / خبرونه / کامران اکمل: دې چلند ناهيلى کړم
کامران اکمل

کامران اکمل: دې چلند ناهيلى کړم

د پاکستان کرکټ ملي لوبډلې ويکټ ساتونکى او توپوهونکى کامران اکمل د پاکستان د کورنيو سياليو (پاکستان کپ) کې په نه اخيستلو ناهيلى شوى دى.

کامران اکمل وايي، چې ما خپل پرفارمنس ښکاره کړى دى او بيا هم په لوبډله کې نه يم اخيستل شوى، دا له ماسره ښه چلند نه دى شوى.

کامران اکمل په ټويټر کې په يو ټويټ کې ليکلي دي او همدا راز د پاکستان کرکټ بورډ نديم خان يې هم په دې کې ټېګ کړى دى او له هغه نه يې غوښتنه کړې ده، چې دا هر څه دې وګوري.


کامران اکمل وايي، چې کرکټ سره مې بې حده زياته مينه ده، زه غواړم چې لوبې وکړم، خو اوس دا هر څه الله ته سپارم.

د يادولو وړ ده چې د پاکستان کپ سيالۍ چې نن پيل شوې، په دې سياليو کې د پاکستان پيليز توپوهونکى احمد شهزاد او ويکټ ساتونکى او توپوهونکى کامران اکمل نه دي اخيستل شوي. دا دواړه د سينټرل پنجاب لوبډلې لپاره لوبېدل.

د پاکستان کپ کې ٣٣ سيالۍ ترسره کېږي، چې د جايزو په توګه ورته ١٠ ميليونه روپۍ هم ځانګړې شوې دي. ويل کېږي چې اتلې لوبډله ته به ٥ ميليونه او دويمې لوبډلې ته دوه نيم ميليونه پاکستاني روپۍ د جايزې په توګه ورکول شي.

Loading...

دا هم ولولئ

نسيم دانش

نسيم دانش: کرکټ يوې ډلې ته په سهم کې ورکړل شوى، دولت يې د جوړولو په کيسه کې نه دى

د افغانستان کرکټ بورډ باندې يو ځل بيا د خلکو نيوکې ډېرې شوې دي او …