کورپاڼه / خبرونه / راشد خان سبا بيګ باش کې وروستۍ لوبه ترسره کوي او بيا اماراتو ته ځي
راشد خان (3)

راشد خان سبا بيګ باش کې وروستۍ لوبه ترسره کوي او بيا اماراتو ته ځي

د افغانستان کرکټ ملي لوبډلې مخکښ ورو توپ اچونکى راشد خان به سبا د اسټراليا په بيګ باش تجارتي ليګ کې خپله وروستۍ لوبه ترسره کړي او له هغه وروسته به د ملي لوبډلې سره د يو ځاى کېدو په موخه له اسټراليا نه راروان شي.

د اډيليډ سټرايکرز لوبډلې په يو پوسټ کې تاييد کړې ده، چې راشد خان د ميلبورن سټارز پر وړاندې د دوى لپاره وروستۍ لوبه ترسره کوي او بيا ځي.

د اډيليډ سټرايکرز او ميلبورن سټارز ترمنځ دا لوبه سبا د جنورۍ په ١١مه نېټه ترسره کېږي.

 

View this post on Instagram

 

A post shared by Adelaide Strikers (@strikersbbl)


دوى وايي، چې د بيګ باش لسم پړاو کې به راشد خان خپله وروستۍ لوبه ترسره کړي او بيا به د افغانستان او ايرلېنډ د يو ورځنيو لوبو لړۍ لپاره متحده عربي اماراتو ته لاړ شي.

راشد خان هم د اډيليډ سټرايکرز لوبډلې څخه مننه کړې ده او ويلي يې دي، چې بل کال ته به بيا راستون شي.

د يادولو وړ ده چې محمد نبي پرون له اسټراليا څخه د متحده عربي اماراتو پر لور راروان شوى و. همدا راز مجيب الرحمان په اړه لا څه نه دي ويل شوي، چې هغه به کله له اسټراليا نه راروان شي.

د افغانستان او ايرلېنډ ترمنځ د ٣ نړيوالو يو ورځنيو لوبو لړۍ د جنورۍ مياشتې په ٢١مه نېټه پيلېږي، چې افغانستان د دې لوبو کوربه دى.

دا هم ولولئ

ویرات کوهلي: زموږ نهایي هڅه د نړیوال جام ګټل دي

د هندوستان کرکټ ملي لوبډلې لوبډلمشر او مخکښ توپ وهونکی ویرات کوهلي ویلي، چې په …