کورپاڼه / بېلا بېل / دا حیوان په یو وخت کې هم الوتونکی، هم تي لرونکی او څښېدونکی دی
platypus

دا حیوان په یو وخت کې هم الوتونکی، هم تي لرونکی او څښېدونکی دی

د ساینسپوهانو یوې نړیوالې ډلې په اسټرالیا کې د پیدا کېدونکي حیوان (Platypus) د جینوم خاکه یا نقشه تیاره کړې، چې له مخې یې څرګندېږي چې د Platypus په جینوم کې د الوتونکو، تي لرونکو او د څښېدونکو حیواناتو جینونه په یوځای شتون لري. یعنې ددې خبرې مطلب دادی چې د Platypus حیوان په یو وخت کې هم الوتونکی، هم تي لرونکی او څښېدونکی حیوان دی، چې خپله دې موندنې د ارتقا پوهان له حیرانۍ سره مخ کړي دي.

یاده دې وي د Platypus حیوان د ټولې نړۍ یو ارتقایي معما ګڼل کېږي، ځکه چې د ذکر شوي حیوان مښوکه د مرغاوې، بدن یې د مږې یا نولي او غوږونه یې دننه دي. دغه راز نوموړی حیوان هګۍ اچوي او خپلو بچیو ته شېدې ورکوي، چې له پوستکي څخه یې د خولو په ډول خارجېږي.

د Platypus په اړه دا حیرانوونکې خبره له مخکې څرګنده شوې، چې Platypus د لسو کروموزمو درلودونکی دی، چې د (X) او (Y) د پنځو جوړو په شکل سره وي. دغه راز ویل کېږي د Platypus په څېر یو بل حیوان هم شتون لري چې د (echidna) په نوم سره یادېږي، چې یوازې څلور ډولونه لري، خو Platypus بیا یو ډول لري.

د echidna او Platypus په اړه ویل کېږي چې دا حیوانات له نورو حیواناتو ځانګړي دي، چې یوازې په اسټرلیا او پاپو نیو ګیني کې موندل کېږي، چې د ډلې نوم یې مونوټریم (monotreme) دی. د یوې اندازې له مخې ویل کېږي چې د مونوټریم ډله له نن څخه ۵۷ میلونه کاله پخوا په همدې سیمه یعنې اسټرلیا کې رامنځته شوي ول.

که څه هم د Platypus جینوم له الوتونکو، تي لرونکو او څښېدونکو کې رامنځته شوي، چې له یوې معما څخه کمه نه ګڼل کېږي، خو د جینټک او ارتقاء پوهان وایي، که چېرته ذکر شوې غوټه پرانیستل شي، نو د نړۍ د ډېرو حیواناتو په اړه به ارتقایي معلومات ترلاسه شي.

Loading...

دا هم ولولئ

د خور او ورور اړیکه پر انساني ژوند څومره اغېزې لري؟

د انسان له زېږېدو سره سم ډېرې اړیکې ورسره جوړېږي، چې په دې اړیکو کې …